Yesaia 62 - KYER?W KRONKRON（RATB）

Sion daakye anuonyam

1Sion nti meremmua m’ano,

na Yerusalem nti merenyɛ komm,

de bɛkɔ akosi sɛ ne trenee bepue sɛ adekyee hann,

na ne nkwagye adɛw sɛ ogyatɛn.

2 Yes 65.15; Adi 2.17 Na amanaman behu wo trenee,

na ahene nyinaa ahu w’anuonyam,

na wɔato wo din foforo

a AWURADE ano bɛkyerɛ no.

3Na wobɛyɛ ahokeka abotiri, AWURADE nsa so,

ne ɔhene abotiten, wo Nyankopɔn nsam.

4 Yes 60.15; Hos 2.19 Wɔrense wo sɛ: Nea wɔagyaw no, bio,

na w’asase nso, wɔrense no sɛ: Afo, bio,

na mmom wɔbɛfrɛ wo sɛ: M’anisɔ wɔ no mu,

ne w’asase nso sɛ: Ɔbaa warefo,

efisɛ AWURADE ani sɔ wo,

na w’asase nso, wɔbɛware no.

5 Sef 3.17 Na sɛ aberante ware ababaa no,

sɛ wo bɔfo bɛware wo ne no;

sɛ ayeforokunu ho sɛpɛw no ayeforo ho no,

saa ara nso na wo Nyankopɔn ho bɛsɛpɛw no wo ho.

6 Yes 52.8 W’afasu so, Yerusalem,

na mede awɛmfo maduadua;

adekyee nyinaa ne anadwo nyinaa daa yi,

wɔremmua wɔn ano;

mo a mokae AWURADE no,

monnyɛ komm koraa.

7Na mommma ɔnnhome nso

kosi sɛ ɔbɛsesɛw Yerusalem ma asi hɔ

ayɛ ayeyi wɔ asase so.

8 Yes 65.21-22 AWURADE aka ne nsa nifa,

ne ne tumi basa no ho ntam sɛ:

Meremfa w’awi

memma w’atamfo nni bio,

na ananafo mma rennom wo nsa

a wobrɛɛ ho no.

9Na wɔn a wɔboa ano na wobedi

na wɔayi AWURADE ayɛ,

na wɔn a wɔhwɛ bobe aba no boaboa ano no bɛnom,

wɔ me kronkronbea abangua so.

10 Yes 57.14 Monsen, monsen mfa kurow apon no mu,

mommɔ ɔman no kwan;

muntu ngu so, muntu ngu so nyɛ no tempɔn,

montase so abo;

munsi so frankaa na aman no nhu.

11 Sak 9.9; Yes 40.10; Adi 22.12 Hwɛ, AWURADE ama wɔate

akodu asase awiei noho sɛ:

Monka nkyerɛ Sion babea sɛ:

Hwɛ, wo nkwagye reba,

hwɛ, n’akatua ka ne ho,

na n’ananmuhyɛ di n’anim.

12 Yes 35.10 Na wɔbɛfrɛ wɔn sɛ: Ɔman kronkron,

wɔn a AWURADE agye wɔn,

na wo nso, wɔbɛfrɛ wo nea wɔahwehwɛ n’akyi kwan,

kurow a wɔrennyaw no.