Nnwom 2 - KYER?W KRONKRON（RATB）

Nea AWURADE asra no

1 Aso 4.25-30 Adɛn nti na amanaman yɛ gyegyeegye,

na aman susuw ade hunu yi?

2 Adi 11.18; 19.19 Asase so ahemfo tu agyina,

na aman sodifo bom tu agyina

tia AWURADE ne nea wasra no no sɛ,

3 Yer 2.20; 5.5; Luka 19.14 Momma yemmubu wɔn mpokyerɛ,

na yɛntow wɔn hama mfi yɛn ho ngu.

4 Nnw 37.13; 59.8 Nea ɔte soro no serew,

AWURADE di wɔn ho fɛw.

5 Yes 34 Ɛno na ɔbɛkasa akyerɛ wɔn, n’abufuw mu,

na ɔde n’abufuhyew beyi wɔn hu aka sɛ;

6Me AWURADE na masi me hene,

me bepɔw kronkron Sion so.

7 Nnw 89.26-29; Aso 13.33; Heb 1.5; 5.5 Na mɛka no nea AWURADE ahyɛ no,

AWURADE ase me sɛ: Meba ne wo,

ɛnnɛ na mawo wo.

8 Dan 7.13-14 Bisa me na mede amanaman mɛyɛ w’apɛgyade,

na mama woafa asase ano noho adi so.

9 Adi 2.27; 12.5; 19.15 Wode dade poma bebubu wɔn,

na woabobɔ wɔn sɛ ɔnwemfo ahina.

10Na afei, ahene, munhu nyansa.

Asase so atemmufo, muntie afotu.

11 Flp 2.12; Heb 12.28 Monsom AWURADE, osuro mu,

na munni ahurusi ahopopo mu.

12 1 Sa 10.1; Nnw 34.8; 84.12; Yes 30.18 Momfa nidi mapa mma no,

na ne bo amfuw, na moanyera ɔkwan mu;

na aka kakra na n’abufuw adɛw.

Nhyira ne wɔn a woguan toa no nyinaa.