1Ɛnna Naamani Sofar gyee so sɛ:
2So wɔremmua nsɛnnodow yi
anaasɛ wɔmma ɔbarima tɛkrɛmafo nni bem?
3So wo kasa birebire bɛma nnipa amua wɔn ano?
Na sɛ wudi fɛw a, obi renhyɛ wo aniwu anaa?
4 Hiob 9.21; 10.7 Na woaka sɛ: Me kyerɛ yɛ gyenennyenen,
na me ho tew wɔ Onyankopɔn anim.
5 Hiob 38.1 Oo anka ma Onyankopɔn nkasa
na ommue n’ano nkyerɛ wo.
6 Nnw 51.6 Na wakyerɛ wo, ne nyansa mu ahintasɛm, sɛ emu dɔ yiye,
na hu sɛ Onyankopɔn yi n’ani fi w’amumɔyɛ no bi so.
7So wobɛbɔre ahu Onyankopɔn
anaasɛ wubehu akodu Otumfo pɛyɛ mu?
8Ɛkorɔn sɛ ɔsoro, dɛn na wobɛyɛ?
Ɛyɛ kuronkuron sɛ asaman, dɛn na wunim?
9Ne nsusuwii ware sen asase,
na ɛtrɛw sen ɛpo.
10Sɛ otwam ba, na ɔde nnipa gu nnua mu na ohyia asɛnni a,
ɛnne hena na obesianka no?
11Na ɔno na onim nnipa ahuhufo,
na ohu abusude, nanso ommu.
12Na onipa tibɔnkɔso nya nyansa koma a,
na ɛte sɛ wɔawo ahafurum sɛ onipa.
13Sɛ wo de, wusiesie wo koma,
na wotrɛw wo nsam kyerɛ no a,
14sɛ amumɔyɛ wɔ wo nsam a, yi kɔ akyiri,
na mma abusude nntena wo ntamadan mu.
15Ɛno na wobɛma w’ani so a wunni dɛm,
na wubetim pintinn a worensuro.
16Na wo werɛ befi wo haw,
wobɛkae no sɛ nsu a asen.
17Na wo nkwa nna bɛyɛ sɛ awia ketee,
esum bɛdan sɛ adekyee.
18Na wubenya abotɔyam sɛ anidaso wɔ hɔ,
wobɛhwɛ wo ho ahyia, na woada dwoodwoo.
19 Nnw 3.5; 4.8 Wobɛda ahome, na obi renyi wo hu,
na nnipa bebree bɛhwehwɛ wo hɔ dom.
20 Hiob 8.13 Na abɔnefo de, wɔn ani so besiw
na guankɔbea bɛbɔ wɔn,
na wɔn anidaso bɛdan wɔn owu.
Who We AreWhat We EelieveWhat We Do
2025 by iamachristian.org,Inc All rights reserved.
