Nnwom 110 - KYER?W KRONKRON（RATB）

Ɔsɔfo a odi hene(Mateo 22.44; Asomafo 2.34-35; Hebrifo 1.13; 5.6)Dawid dwom

1 1 Ko 15.25; Heb 10.12-13 AWURADE asɛm a osee me wura ni:

Tena me nifa kosi sɛ mede w’atamfo

mɛyɛ wo nan ase ntiaso.

2 Nnw 2.6 Wo tumidi poma no, AWURADE fi Sion bɛteɛ.

“Di hene w’atamfo mfinimfini!”

3 Nnw 29.2 Wo man beyi wɔn yam koraa aba, wo koda no,

adurade kronkron mu,

wo mmerante asafo ba ma wo sɛ obosu fi adekyee yam.

4 Gye 14.18-20; Heb 5.10; 6.20; 7.17, 21 AWURADE aka ntam, na ɔrennu ne ho:

Woyɛ daapem sɔfo, Melkisedek dibea so.

5Awurade a ɔwɔ wo nifa so no

bɛbobɔ ahene, n’abufuw da no.

6 Nnw 2.2, 5, 9 Obedi amanaman mu asɛm,

ɔbɛma afunu ahyɛ hɔ ma.

Ɔbɛbobɔ ti, asase a ɛtrɛw so.

7 Flp 2.8-9 Ɔbɛnom ɔkwan ho asuten mu nsu,

enti na ɔbɛma ne ti so.