1 Rom 3.18 Ɔbɔnefo mmarato kasa wɔ me koma mu:
Onyankopɔn suro biara nni n’ani so.
2Na obu ne ho bi, n’ankasa ani so,
sɛ wɔrenhu n’amumɔyɛ na wɔakyi.
3N’anom nsɛm yɛ ahuhusɛm ne nnaadaa,
wagyae nimdeɛ sua ne papayɛ.
4 Mika 2.1 Odwen amumɔyɛde ne kɛtɛ so,
ɔde ne nan asi ɔkwan a enye so; bɔne de, onkyi.
5 Nnw 57.10; 108.4 AWURADE, w’adɔe kodu soro,
na wo nokware kodu wim tɔnn.
6 Nnw 125.1-2 Wo trenee te sɛ Onyankopɔn mmepɔw,
w’atemmu te sɛ ebun a emu dɔ.
AWURADE, wugye nnipa ne mmoa nkwa.
7Onyankopɔn, w’adɔe no so dɛn ara!
Na nnipa mma de wɔn ho dɔ wo ntaban nwini ase.
8 Nnw 23.5 Wo fi mu srade meemee wɔn,
na woma wɔnom w’anigye asubɔnten.
9 Yer 2.13 Efisɛ wo nkyɛn na nkwa nsuti wɔ,
wo hann mu na yehu hann.
10Ma w’adɔe nkyɛ mma wɔn a wonim wo,
ne wo trenee mma koma mu teefo.
11Mma ɔhantanni nan nntia me,
na mma abɔnefo nsa nnsum me!
12Ɛnne na amumɔyɛfo atotɔ,
woasum wɔn ahwehwe fam a wontumi nsɔre.
Who We AreWhat We EelieveWhat We Do
2025 by iamachristian.org,Inc All rights reserved.
