Nnwom 47 - KYER?W KRONKRON（RATB）

Onyankopɔn di heneWɔde ma dwonkyerɛfo. Kora mma dwom

1Aman nyinaa, mommɔ mo nsam,

momfa anigye huro mmɔ ose mma Onyankopɔn.

2Na AWURADE a ɔwɔ sorosoro no ho yɛ hu,

ɔyɛ ɔhenkɛse, asase nyinaa so.

3Ɔbrɛ aman ase de hyɛ yɛn ase,

na ɔde nkurɔfo hyɛ yɛn nan ase.

4

5 Nnw 68.18 Onyankopɔn de anigye huro kɔ ɔsoro,

AWURADE de torobɛnto gyigye kɔ.

6Monto Onyankopɔn dwom, monto ayeyi dwom,

monto dwom mma yɛn hene, monto ayeyi dwom.

7 Nnw 93.1 Na Onyankopɔn ne asase nyinaa so hene,

mommɔ sanku nto nnwenho dwom.

8Onyankopɔn di amanaman so hene,

Onyankopɔn te n’ahengua kronkron so.

9 Nnw 89.18 Aman ahene boaboa wɔn ho ano,

Abraham Nyankopɔn man.

Na asase so akyɛm wɔ Onyankopɔn,

wɔama no so kɛse.