Hebrifoɔ 3 - New Revised Asante Twi Bible（ASW）

Kristo sene Mose

1 Heb 4.14 Ɛno nti, anuanom akronkronfoɔ a mofra ɔsoro frɛ no mu, monhwɛ yɛn asɛm a yɛgyina so ka no ho Ɔsomafoɔ ne Ɔsɔfo Panin Yesu

2Num 12.7 a ɔdi deɛ ɔde no sii hɔ no nokorɛ sɛdeɛ Mose nso dii Nyankopɔn fie nyinaa mu nokorɛ no.

3Na oyi deɛ, wɔabu no sɛ animuonyam bebree sɛ no, sene Mose, te sɛ deɛ ɔsi efie wɔ anidie bebree sene efie no.

4(Ɛfiri sɛ efie biara, obi na ɔsie, na deɛ ɔyɛɛ nnoɔma nyinaa ne Onyankopɔn.)

Mose yɛ ɔsomfoɔ pa

5Na Mose deɛ, ɔdii Nyankopɔn fie nyinaa mu nokorɛ sɛ ɔsomfoɔ, sɛ ɔbɛdi nsɛm a wɔrebɛka da bi no ho adanseɛ.

6Efe 2.19 Na Kristo deɛ, ɔdi ne fie so sɛ ɔba; nso ne fie no ne yɛn, nanso gye sɛ yɛsɔ anidasoɔ no ho nnam ne ahohoahoa mu pintinn kɔsi awieeɛ.

Akyinnyegyeɛ ne asoɔden ho kɔkɔbɔ

7 Dwom 95.7-11 Enti, sɛdeɛ Honhom Kronkron ka no:

Ɛnnɛ, sɛ mote ne nne a,

8 Eks 17.7; Num 20.2-5 mommpirim mo akoma sɛ atuateɛ no mu,

sɔhwɛ da no wɔ serɛ so hɔ,

9deɛ mo agyanom gyegyee me hɔ no de sɔɔ me hwɛeɛ,

na wɔhunuu me nnwuma mfirinhyia aduanan.

10Enti saa awoɔ ntoatoasoɔ yi ho yɛɛ me ahi,

na mekaa sɛ: Wɔfom daa wɔ wɔn akoma mu.

Nanso wɔn deɛ, wɔanhunu m’akwan;

11 Num 14.21-23 sɛdeɛ mekaa ntam wɔ m’abufuo mu no:

Wɔrenhyɛne me home mu da.

12Monhwɛ yie, anuanom, na akoma bɔne a ɛnnye nnie amma mo mu biara mu, na wanwae amfiri Onyankopɔn teasefoɔ ho.

Nokorɛdie ho hia

13 1 Te 5.11 Na mmom montutu mo ho fo da biara a wɔda so bɔ din sɛ “ɛnnɛ” no, na bɔne nnaadaa ampirim mo mu biara akoma.

14Heb 6.11 Nanso sɛ deɛ yɛfirii aseɛ de yɛn ho too soɔ no, yɛsɔ mu pintinn kɔsi awieeɛ a, yɛn ne Kristo bɛyɛ baako.

15Heb 3.7 Sɛ wɔka sɛ:

Ɛnnɛ, sɛ mote ne nne a,

mommpirim mo akoma sɛ ahiyie no mu a,

16na ɛhefoɔ na wɔteeɛ a wɔtee atua no?

Yudafoɔ abakɔsɛm mu nkyerɛkyerɛ bi

Ɛnyɛ wɔn a wɔnam Mose so firii Misraim nyinaa no anaa?

17 1 Ko 10.10 Na ɛhefoɔ ho na ɛyɛɛ no ahi mfirinhyia aduanan no? Ɛnyɛ wɔn a wɔyɛɛ bɔne a wɔn amu guguu serɛ soɔ no anaa?

18Heb 3.11 Na ɛhefoɔ na ɔkaa wɔn ntam sɛ wɔrenhyɛne n’ahome mu? Ɛnyɛ wɔn a wɔyɛɛ asoɔden no anaa?

19Na yɛhunu sɛ ɔgyeɛ a wɔannye annie nti, wɔantumi anhyɛn n’ahomegyeɛ no mu.