Yesaia 35 - New Revised Asante Twi Bible（ASW）

Ɔman no saneba

1 Yes 32.15 Ɛserɛ so ne nkyɛkyerɛ bɛnya anika,

na anwea pradada adi ahurisie, na ahane

sɛ nhyerɛne;

2nhyerɛne ara na ɛbɛguo,

ahosɛpɛ ne osebɔ mu ara na ɛbɛdi ahurisie;

wɔde Lebanon animuonyam bɛma no,

Karmel ne Saron nso bɛnya wɔn tumi,

wɔn na wɔbɛhunu AWURADE animuonyam,

yɛn Nyankopɔn tumi no.

3 Heb 12.12 Monhyɛ nsa a ayɛ bɛtɛɛ den,

mommia nkotodwe a agoɔ mu;

4 Dwom 94.1 monka nkyerɛ wɔn a wɔn akoma atuo sɛ:

Monhyɛ mo ho den, monnsuro,

hwɛ, mo Nyankopɔn nie!

ɔde aweretɔ, Nyankopɔn ananmuhyɛ na ɛreba.

Ɔno na ɔreba

abɛgye mo nkwa!

5 Yes 29.18; Mat 11.5 Ɛno na anifirafoɔ ani bɛbue,

na asotifoɔ aso abue;

6ɛno na apakye bɛhuri sɛ ɔforoteɛ,

na emum tɛkyerɛma ato ahurisie dwom,

na nsuo bɛtue ɛserɛ so,

na nsuwansuwa asene anwea pradada so;

7 Yes 41.18 na kumaforoteɛ bɛdane ɔtareɛ,

na asase pɛsɛɛ ayɛ nsuwansuwa;

na ɛserɛ so kraman tenabea a wɔbutuiɛ no,

ewira bɛfifiri ayɛ sɛ demmire ne mmɛwa.

8 Yes 62.10 Na tempɔn ne kwan bɛda hɔ,

na wɔbɛfrɛ no Ɔkwan Kronkron;

deɛ ne ho nteɛ remfa so, na ɛno na wɔde bɛma wɔn;

nkwaseafoɔ mpo remfom kwan wɔ so.

9Gyata biara remma hɔ,

na aboa adufudepɛfoɔ biara rensi so;

wɔrenhunu bi wɔ hɔ,

wɔn a wɔagye wɔn na wɔbɛfa soɔ.

10 Yes 51.11; Dwom 126.6; Adi 21.4 Wɔn a AWURADE apono wɔn no bɛsane aba,

na wɔde nnwontoɔ aba Sion;

na daa anigyeɛ bɛtena wɔn atifi,

ahosɛpɛ ne anigyeɛ bɛka wɔn nsa,

na awerɛhoɔ ne apinisie adwane.