1Na afe no ara mu, Yudahene Sedekia ahennie mfitiaseɛ afe a ɛtɔ so nnan no bosome a ɛtɔ so nnum so, Asur ba Odiyifoɔ Hanania a ɔfiri Gibeon no ka kyerɛɛ me wɔ AWURADE fie, asɔfoɔ ne ɔman no nyinaa anim sɛ:
2Sɛ asafo AWURADE, Israel Nyankopɔn seɛ nie: Mabubu Babel hene kɔnnua no,
3Yer 27.16 ɛha mfirinhyia mmienu pɛ, mede AWURADE fie nnoɔma a Babelhene Nebukadnessar bɛfa firii ha yi de kɔɔ Babel no nyinaa bɛsane aba ha bio.
4Yer 27.20 Na Yudahene Yekonia a ɔyɛ Yehoiakim ba ne Yuda atukɔfoɔ a wɔkɔɔ Babel no nyinaa, mede wɔn bɛsane aba ha yi bio, AWURADE asɛm nie, na mɛbubu Babel hene kɔnnua no.
5Na Odiyifoɔ Yeremia ka kyerɛɛ Odiyifoɔ Hanania, asɔfoɔ no ne ɔman a wɔgyinagyina AWURADE fie no nyinaa anim,
6na Odiyifoɔ Yeremia kaa sɛ: Amen, AWURADE ma no nyɛ saa! AWURADE mma wo nsɛm a worehyɛ nkɔm sɛ wɔde AWURADE fie nnoɔma ne atukɔfoɔ nyinaa bɛfiri Babel asane aba ɛha yi no mmra mu.
7Nanso tie asɛm a mereka wo ne ɔman no nyinaa aso mu yi ɛ:
8Adiyifoɔ a wɔdii m’anim ne w’anim firi teteete no, wɔhyehyɛɛ nsase bebree ne ahennie akɛseɛ akodie ne bɔne ne owuyadeɛ ho nkɔm.
9Odiyifoɔ a ɔhyɛ asomdwoeɛ ho nkɔm no, sɛ odiyifoɔ no asɛm nya ba mu a, ɛno na wɔhunu odiyifoɔ a AWURADE somaa no nokorɛ mu.
10 Yer 27.2 Ɛnna Odiyifoɔ Hanania yii kɔnnua no firii Odiyifoɔ Yeremia kɔn mu bubuu mu.
11Yer 28.3 Na Hanania kaa no ɔman no nyinaa anim sɛ: Sɛ AWURADE seɛ nie: Saa ara na mɛbubu Babelhene Nebukadnessar kɔnnua no afiri amanaman nyinaa kɔn mu, ɛha mfeɛ mmienu pɛ! Na Yeremia sii mu kɔɔ ne kwan.
12Na Odiyifoɔ Hanania bubuu kɔnnua no firii Odiyifoɔ Yeremia kɔn mu no akyiri no, AWURADE asɛm baa Yeremia nkyɛn sɛ:
13Kɔ na kɔka kyerɛ Hanania sɛ: Sɛ AWURADE seɛ nie: Dua kɔnnua na woabubu mu, na mɛyɛ dadeɛ kɔnnua asi ananmu.
14Yer 27.6 Na sɛ asafo AWURADE, Israel Nyankopɔn seɛ nie: Dadeɛ kɔnnua na mede mato amanaman yi nyinaa kɔn mu, sɛ wɔnsom Babelhene Nebukadnessar; nso wɔbɛsom no, na mede wiram mmoa mpo mama no.
15Na Odiyifoɔ Yeremia ka kyerɛɛ Odiyifoɔ Hanania sɛ: Hanania, tie ɛ, AWURADE nsomaa wo, na wo na woama ɔman yi de wɔn ho ato atorɔ soɔ.
16Yer 23.14; 29.32 Ɛno nti, sɛ AWURADE seɛ nie: Hwɛ, meretu wo afiri asase ani: Afe yi na wobɛwuo, ɛfiri sɛ woaka atuateɛ atia AWURADE.
17Na Odiyifoɔ Hanania wuu afe no ara mu bosome a ɛtɔ so nson no mu.
Who We AreWhat We EelieveWhat We Do
2025 by iamachristian.org,Inc All rights reserved.
