Nnwom 8 - New Revised Asante Twi Bible（ASW）

Onyankopɔn kɛseyɛ ne onipa diberɛ a ɛkorɔnWɔde ma dwonkyerɛfoɔ sɛ wɔnto no “Gittit” sankuo nne so. Dawid dwom.

1Ao, AWURADE, yɛn Awurade,

enim bɛn na wo din nni

asase nyinaa soɔ!

Wo a wode w’animuonyam akata ɔsoro.

2 Mat 21.16 Wo a w’animuonyam pue firi mmɔfra ne nkɔkoaa anomu.

Wo na woasiesie abankɛseɛ, w’atamfo nti,

na wode amua ɔtamfoɔ ne ɔweretɔfoɔ ano.

3 Dwom 19.1 Sɛ mehwɛ wo soro, wo nsateaa ano adwuma,

ɔsrane ne nsoromma a woasiesie a,

4 Dwom 144.3; Heb 2.6-9 ɔdasani ne hwan a wokae no,

na onipa ba ne hwan a w’ani ku ne ho!

5 Gye 1.26 Na woama aka no kakraa bi na wasɛ Onyame,

na wode animuonyam ne anidie abɔ no abotire.

6 Mat 28.18; 1 Ko 15.27 Woama no adi wo nsa ano nnwuma so,

wode nnoɔma nyinaa ahyɛ ne nan ase:

7Aane, nnwan ne anantwie nyinaa

ne wiram mmoa nso,

8ewiem nnomaa ne ɛpo mu mpataa,

mmoa a ɛnam ɛpo mu akwan soɔ.

9Ao, AWURADE, yɛn Awurade,

enim bɛn na wo din nni asase nyinaa soɔ!