Nnwom 16 - New Revised Asante Twi Bible（ASW）

Onyankopɔn mu ahotosoɔDawid abebuo dwom.

1Onyankopɔn, fa me sie, na wo na medwane bɛtoa wo.

2 Dwom 73.25 Mese AWURADE sɛ: M’Awurade ne wo,

menni papa biara nka wo ho.

3Na akronkronfoɔ a wɔwɔ asase soɔ no,

wɔne animuonyamfoɔ a wɔsɔ m’ani koraa.

4Wɔn a wɔdi anyame afoforɔ akyire no, wɔma wɔn yea dɔɔso.

Merenhwie wɔn mogya nhwiesa no bi,

na meremfa m’ano memmɔ wɔn din.

5 Kwa 3.24 AWURADE ne m’agyapadeɛ mu kyɛfa ne me kuruwa,

wo na me nkrabea kura wo nsam.

6Me susuhoma akɔfa deɛ ɛyɛ ama me,

aane, apɛgyadeɛ no yɛ me fɛ.

7 Dwom 4.4; 17.3 Mekamfo AWURADE a ɔtu me fo,

nso anadwo m’akoma kyerɛkyerɛ me.

8Mede AWURADE masi m’anim daa,

na ɔwɔ me nifa yi, merenhinhim.

9 Gye 49.6 Enti m’akoma tɔ me yam, na me kra di ahurisie,

na me honam tena ase dwoodwoo.

10 Aso 2.25-32; 13.35-37 Na worennya me kra Asamando,

woremma wo hoteni nhunu Amena mu porɔeɛ.

11Wobɛkyerɛ me nkwa kwan,

anika a ɛmeeɛ wɔ w’anim,

anigyedeɛ wɔ wo nifa hɔ daa.