Nnwom 130 - New Revised Asante Twi Bible（ASW）

Amanehunu kɛseɛ mu mpaebɔƆsoroforɔ dwom.

1 Dwom 69.2 Mefiri abunu kuronkuron mu mefrɛ wo, AWURADE.

2AWURADE, tie me nne,

wɛn w’aso

tie me nkotosrɛ.

3 Dwom 19.12 AWURADE, sɛ wodi amumuyɛdeɛ akyiri a,

hwan na anka ɔbɛgyina?

4 Yes 55.7; Rom 6.1-2 Na wo na fakyɛ wɔ wo fam,

na wɔasuro wo.

5Mehwɛ AWURADE kwan,

me kra rehwɛ kwan,

na n’asɛm so na m’ani da.

6Me kra twɛn AWURADE

sene awɛmfoɔ a wɔtwɛn adekyeeɛ,

sene awɛmfoɔ a wɔtwɛn adekyeeɛ.

7Israel, ma w’ani nna AWURADE so,

n’afam na adɔeɛ wɔ,

na ɔgyeɛ a ɛdɔɔso wɔ ne nsam.

8 Mat 1.21 Ɔno na ɔbɛgye Israel

afiri n’amumuyɛ nyinaa mu.