1Ampa ara, Onyankopɔn yɛ ma Israel,
ma wɔn a wɔn akoma mu teɛ.
2 Dwom 94.18 Na me deɛ, anka me nan reyɛ amane,
m’anammɔn reyɛ awatiri.
3 Hiob 21.7 Na metwee ahokyerɛfoɔ ho ninkunu,
ɛfiri sɛ mehunuu abɔnefoɔ yie a wɔdie no.
4Wɔnhunu owuo mu aninyanneɛ,
na wɔwɔ honam ne ahoɔden.
5Ɔdasani haw deɛ, wɔnni bi,
nanso wɔnnwane wɔn ho sɛ nnipa binom.
6Enti ahantan adi wɔn kɔn ho barehyia,
na akakabensɛm asi wɔn aduradeɛ.
7 Hiob 15.27 Srade ama wɔn ani apupu,
wɔn akoma mu adwene firi bu so.
8Wɔsi atwetwe na wɔde adwemmɔne ka amimdie asɛm,
wɔka akokurokosɛm.
9Wɔma wɔn ano to ɔsoro,
na wɔn tɛkyerɛma nenam asase so.
10Enti wɔn nkurɔfoɔ twe bɛdane wɔn,
na wɔnya nsuo kuruwa ma nom.
11 Dwom 10.11 Na wɔse: Ɛbɛyɛ dɛn na Onyankopɔn bɛhunu,
nimdeɛ wɔ ɔsorosoroni no tirim anaa?
12Hwɛ, yeinom ne abɔnefoɔ,
nanso wɔn ho dwo wɔn daa, wɔama wɔn adeɛ adɔɔso.
13Ampa ara, mate m’akoma ho kwa,
na mahohoro me nsa bemdie mu kwa,
14nanso wɔaha me da mu nyinaa
na wɔatwe m’aso anɔpa biara.
15Sɛ mese: Mɛka no sɛɛ deɛ a,
anka matwa wo mmasantene nkontompo.
16Na mesusuu ho sɛ mɛhunu adeɛ yi,
ɛyɛɛ m’ani so den dodo,
17kɔsii sɛ mekɔɔ Nyankopɔn kronkron mu hɔ na
mekɔhunuu deɛ akyire ɛkɔwiee wɔn.
18Ampa ara, wode wɔn gyina deɛ ɛhɔ yɛ torɔ,
wode wɔn hwe fam bubu wɔn pasaa.
19Hwɛ sɛ wɔadane sɛ amamfo seesei ara,
ehu ama wɔawie sa.
20Sɛ daeɛ a wɔaso anyane,
na wo, AWURADE, wokanyane wo ho a,
woma ani pa wɔn sunsumban soɔ.
21Sɛ ɛyɛ m’akoma awerɛho
na me sawa mu wowɔ me a,
22 Rom 8.35-39 anka meyɛ ɔkwasea a mennim de,
na mayɛ sɛ aboa, w’ani so.
23Na me deɛ, mɛtena wo nkyɛn daa,
woasɔ me nsa nifa mu.
24Wonam w’atirimpɔ so kyerɛkyerɛ me kwan,
na akyire yi no, woagye me akɔ animuonyam mu.
25Hwan na mewɔ no ɔsoro?
Na sɛ wowɔ me a, menhwehwɛ asase so hwee.
26 Dwom 16.5 Ma me honam ne m’akoma nwie sa,
Onyankopɔn ne m’akoma botan ne me kyɛfa daa.
27Na hwɛ, wɔn a wɔfiri wo nkyɛn kɔ akyiri no bɛyera,
wobɛsɛe wɔn a wɔfiri wo nkyɛn kɔbɔ adwaman nyinaa.
28Na me deɛ, Nyankopɔn nkyɛn tena yɛ ma me,
mede AWURADE Nyankopɔn mayɛ me dwanekɔhyɛbea
na maka wo nnwuma nyinaa.
Who We AreWhat We EelieveWhat We Do
2025 by iamachristian.org,Inc All rights reserved.
