Yesaia 12 - New Revised Asante Twi Bible（ASW）

Nkwagyeɛ so aseda dwom

1Ɛda no na wobɛka sɛ:

Meda wo ase, Ao AWURADE,

sɛ wo bo fuu me mpo a,

w’abufuo no asane,

na woakyekyere me werɛ.

2 Dwom 56.4; Eks 15.2 Hwɛ, Nyankopɔn ne me nkwagyeɛ.

Mɛtwere no, na mensuro,

na AWURADE Nyankopɔn ne m’ahoɔden ne me dwom,

na wabɛyɛ me nkwagyeɛ.

3 Sak 13.1; Dwom 46.4 Na mode anigyeɛ bɛsa nsuo afiri nkwagyeɛ nsubura no mu.

41 Be 16.8; Dwom 105.1 Na da no mobɛka sɛ:

Monna AWURADE ase;

mommɔ ne din.

Momma wɔnhunu ne nneyɛɛ, aman mu.

Monka sɛ wɔama ne din so!

5Monto ayeyie dwom mma AWURADE, na wayɛ adeɛ akɛseɛ;

momma wɔnhunu yei asase nyinaa so.

6Momma mo nne so nto dwom anigyeɛ so, mo a motete Sion,

na Israel Kronkronni a ɔwɔ wo mu no yɛ kɛseɛ.