Nnwom 47 - New Revised Asante Twi Bible（ASW）

Onyankopɔn di heneWɔde ma dwonkyerɛfoɔ. Kora mma dwom.

1Aman nyinaa, mommɔ mo nsam,

momfa anigyeɛ nhuro mmɔ ose mma Onyankopɔn.

2Na AWURADE a ɔwɔ sorosoro no ho yɛ hu,

ɔyɛ ɔhenkɛseɛ asase nyinaa so.

3Ɔbrɛ aman ase de hyɛ yɛn ase,

na ɔde nkurɔfoɔ hyɛ yɛn nan ase.

4 Dwom 16.6 Ɔyi yɛn apɛgyadeɛ ma yɛn,

Yakob a ɔdɔ no no animuonyam.

5 Dwom 68.18 Onyankopɔn de anigyeɛ huro kɔ ɔsoro,

AWURADE de totorobɛnto gyegyeɛ kɔ.

6Monto Nyankopɔn dwom, monto ayeyie dwom,

monto dwom mma yɛn hene, monto ayeyie dwom.

7 Dwom 93.1 Na Onyankopɔn ne asase nyinaa so hene,

mommɔ sankuo nto nnweneho dwom.

8Onyankopɔn di amanaman so hene,

Onyankopɔn te n’ahennwa kronkron so.

9 Dwom 89.18 Aman ahene boaboa wɔn ho ano,

Abraham Nyankopɔn man.

Na asase so akyɛm yɛ Onyankopɔn dea,

wɔama no so kɛse.