1 Korintofoɔ 16 - New Revised Asante Twi Bible（ASW）

Ɛtoɔ a wɔyi kɔma Yerusalem asafo no mu ahiafoɔ

1 Aso 11.29; 2 Ko 8; 9; Gal 2.10 Na ɛfa ɛtoɔ a wɔde kɔma ahotefoɔ no ho deɛ, sɛdeɛ mehyehyɛɛ no Galatia asafo mu no, mo nso monyɛ saa ara.

2Aso 20.7 Daa, nnawɔtwe no mu da a ɛdi kan no, mo mu biara mfa deɛ ɛbɛsi no yie ama no anya no nsie, na mamma ansa na wɔayi toɔ no.

3Na menya me ba a, mɛma wɔn a mode nwoma bɛkyerɛ sɛ wɔfata no de mo ayɛyɛdeɛ no akɔ Yerusalem.

4Na sɛ ɛsɛ sɛ me nso mekɔ a, wɔne me akɔ.

Paulo adwuma nhyehyɛɛ

5 Aso 19.21 Na metwa mu Makedonia a, mɛba mo nkyɛn; ɛfiri sɛ Makedonia na merekɔfa.

6Rom 15.24 Na ebia mɛtena mo nkyɛn, anaasɛ mɛdi awɔberɛ nso mo nkyɛn, na baabiara a mɛkorɔ no moagya me kwan.

7Aso 18.21; 20.2 Na mempɛ sɛ meretwa mu nko ara na mehunu mo, na m’ani da so sɛ Awurade ma ho kwan a, mɛdi mo nkyɛn nna kakra.

8Aso 19.1; 19.10 Na mɛtena Efeso akɔsi Pentekoste;

92 Ko 2.12; Kol 4.3; Adi 3.8 ɛfiri sɛ wɔabue ɛpono kɛseɛ a emu adwumayɛ bɛso aba ama me, na wɔn a wɔasɔre atia dɔɔso.

Timoteo

10 1 Ko 4.17; Flp 2.20 Na sɛ Timoteo ba a, monhwɛ na wamfa ehu ne mo antena; na ɔyɛ Awurade adwuma no bi sɛ me nso.

111 Ti 4.12; 1 Ko 16.6 Ɛno nti obiara mmmu no animtia, na monnya no kwan asomdwoeɛ mu, na ɔmmra me nkyɛn; na meretwɛn no ne anuanom no.

12 1 Ko 1.12 Na onua Apolo deɛ, matu no fo pii sɛ ɔne anuanom no mmra mo nkyɛn; nso ɔmpɛ koraa sɛ ɔba seesei, na mmom ɔnya ho deɛ a, ɔbɛba.

Nsɛm ne nkyea a wɔde wie

13 Efe 6.10 Monwɛn, monnyina mo gyidie mu, monyɛ mmarima, momma mo ho nyɛ den.

14Monyɛ mo adeɛ nyinaa ɔdɔ mu.

15 1 Ko 1.16; Rom 16.5 Na metu mo fo, anuanom monim Stefano fie sɛ ɛne Akaia aba a ɛdi kan, na wɔde wɔn ho ama ahotefoɔ som no,

16Flp 2.29 sɛ mo nso mommrɛ mo ho ase mma wɔn a wɔte saa no ne obiara a ɔyɛ adwuma no bi na ɔbrɛ mu no.

17Na m’ani gye Stefano ne Fortunato ne Akaiko ba no ho, ɛfiri sɛ monni me nkyɛn yi, wɔn na wɔabɛsi mo ananmu;

181 Te 5.12 na wɔama me honhom ne mo deɛ ahome. Enti monni wɔn a wɔte saa no ni yie.

19 Aso 18.2; 18.18; 18.26; Rom 16.3; 16.5 Asafo a ɛwowɔ Asia no kyeakyea mo. Akwila ne Priska ne asafo a ɛwɔ wɔn fie no kyea mo pii, Awurade mu.

20Rom 16.16; 2 Ko 13.12; 1 Pe 5.14 Anuanom nyinaa kyea mo. Momfa mfeano kronkron nkyeakyea mo ho.

21 Kol 4.18; 2 Te 3.17 Me Paulo me nsam nkyea ni.

22Gal 1.8-9 Sɛ obi mpɛ Awurade Yesu Kristo asɛm a, ɔnnue! Marana-ta (Yɛn Awurade, bra!).

23Awurade Yesu adom ne mo ntena.

24Me dɔ nka mo nyinaa Kristo Yesu mu. Amen.