1 Ioan 1 - Beibl William Morgan - 1955 Edition with cross-references

A.D. Gwedi 90. —1 Y mae efe yn gosod allan berson Crist, yn yr hwn y mae i ni fywyd tragwyddol, trwy gymdeithas â Duw. 5 Rhaid i ni ymroi i sancteiddrwydd buchedd, i dystiolaethu gwirionedd y gymdeithas honno, a’n ffydd: a hefyd i’n sicrhau ein hunain o faddeuant pechodau, trwy farwolaeth Crist.

1Yr Ioan 1:1hyn oedd o’r dechreuad, yr hyn a glywsom, yr hyn a welsom â’n llygaid, Ioan 1:14; 2 Pedr 1:16; Pen 4:14yr hyn a edrychasom arno, ac Luc 24:39; Ioan 20:27a deimlodd ein dwylo am Air y bywyd;

2(Canys y bywyd 1 Tim 3:16a eglurhawyd, ac ni a welsom, ac ydym yn tystiolaethu, ac yn mynegi i chwi’r bywyd tragwyddol, Ioan 1:1, 2yr hwn oedd gyda’r Tad, ac a eglurhawyd i ni;)

3Yr hyn a welsom ac a glywsom yr ydym yn ei fynegi i chwi, fel y caffoch chwithau hefyd gymdeithas gyda ni: a’n cymdeithas ni yn wir sydd gyda’r Tad, a chyda’i Fab ef Iesu Grist.

4A’r pethau hyn yr ydym yn eu hysgrifennu atoch, 2 Ioan 12fel y byddo eich llawenydd yn gyflawn.

5Pen 3:11A hon yw’r genadwri a glywsom ganddo ef, ac yr ydym yn ei hadrodd i chwi; Mai Ioan 1:9; 8:12; 9:5; 12:35, 36goleuni yw Duw, ac nad oes ynddo ddim tywyllwch.

6Pen 2:4Os dywedwn fod i ni gymdeithas ag ef, a rhodio yn y tywyllwch, celwyddog ydym, ac nid ydym yn gwneuthur y gwirionedd:

7Eithr os rhodiwn yn y goleuni, megis y mae efe yn y goleuni, y mae i ni gymdeithas â’n gilydd, a 1 Cor 6:11; Heb 9:14; 1 Pedr 1:19; Dat 1:5gwaed Iesu Grist ei Fab ef, sydd yn ein glanhau ni oddi wrth bob pechod.

81 Bren 8:46; 2 Cron 6:36; Diar 20:9; Preg 7:20; Iago 3:2Os dywedwn nad oes ynom bechod, yr ydym yn ein twyllo ein hunain, a’r gwirionedd nid yw ynom.

9Salm 32:5; Diar 28:13Os cyfaddefwn ein pechodau, ffyddlon yw efe a chyfiawn, fel y maddeuo i ni ein pechodau, ac y’n glanhao oddi wrth bob anghyfiawnder.

10Os dywedwn na phechasom, yr ydym yn ei wneuthur ef yn gelwyddog, a’i air ef nid yw ynom.