Salm 116 - Beibl William Morgan - 1955 Edition with cross-references

SALM 1161 Dafydd yn dangos ei gariad a’i ddyled tuag at Dduw am ei wared ef: 12 ac yn ymegnïo i fod yn ddiolchgar.

1Da gennyf wrando o’r Arglwydd ar fy llef, a’m gweddïau.

2Am ostwng ohono ei glust ataf, am hynny llefaf dros fy nyddiau arno ef.

3 daliasant: ing a blinder a gefais.

4Yna y gelwais ar enw yr Arglwydd; Atolwg, Arglwydd, gwared fy enaid.

5Graslon yw yr Arglwydd, a chyfiawn; a thosturiol yw ein Duw ni.

6Yr Arglwydd sydd yn cadw y rhai annichellgar: tlodais, ac efe a’m hachubodd.

7Dychwel, O fy enaid, i’th orffwysfa; canys Salm 13:6yr Arglwydd fu dda wrthyt.

8 Salm 56:13 Oherwydd i ti waredu fy enaid oddi wrth angau, fy llygaid oddi wrth ddagrau, a’m traed rhag llithro.

9Rhodiaf o flaen yr Arglwydd Salm 27:13yn nhir y rhai byw.

10 2 Cor 4:13 Credais, am hynny y lleferais: cystuddiwyd fi yn ddirfawr.

11 Salm 31:22 Mi a ddywedais yn fy ffrwst, Rhuf 3:4Pob dyn sydd gelwyddog.

12Beth a dalaf i’r Arglwydd, am ei holl ddoniau i mi?

13Ffiol iachawdwriaeth a gymeraf, ac ar enw yr Arglwydd y galwaf.

14 Salm 22:25; ad. 18 Fy addunedau a dalaf i’r Arglwydd, yn awr yng ngŵydd ei holl bobl ef.

15 Salm 72:14 Gwerthfawr yng ngolwg yr Arglwydd yw marwolaeth ei saint ef.

16O Arglwydd, yn ddiau Salm 143:12dy was di ydwyf fi; dy was di ydwyf fi, Salm 86:16mab dy wasanaethwraig: datodaist fy rhwymau.

17Aberthaf i ti Lef 7:12aberth moliant; a galwaf ar enw yr Arglwydd.

18 ad. 14 Talaf fy addunedau i’r Arglwydd, yn awr yng ngŵydd ei holl bobl,

19Yng nghynteddoedd tŷ yr Arglwydd, yn dy ganol di, O Jerwsalem. Molwch yr Arglwydd.