Actau’r Apostolion 6 - Beibl William Morgan - 1955 Edition with cross-references

A.D. 33. —1 Yr apostolion, yn chwennych nad esgeulusid y tlodion o ran eu lluniaeth corfforol, ac yn ofalus hefyd eu hunain am gyfrannu gair Duw, lluniaeth yr enaid, 3 yn ordeinio swydd diaconiaeth i saith o wŷr etholedig; 5 o’r rhai y mae Steffan, gŵr llawn o ffydd ac o’r Ysbryd Glân, yn un: 12 ei ddal ef gan y rhai a waradwyddodd efe wrth ymresymu; 13 a’i gyhuddo ar gam, am gablu yn erbyn y gyfraith a’r deml.

1Ac yn y dyddiau hynny, a’r disgyblion yn amlhau, bu grwgnach gan y Groegiaid yn erbyn yr Hebreaid, am ddirmygu eu gwragedd gweddwon hwy yn y weinidogaeth feunyddiol.

2Yna y deuddeg a alwasant ynghyd y lliaws disgyblion, ac a ddywedasant, Exod 18:17Nid yw gymesur i ni adael gair Duw, a gwasanaethu byrddau.

3Am hynny, frodyr, Deut 1:13; Pen 1:21; 16:2; 1 Tim 3:7edrychwch yn eich plith am seithwyr da eu gair, yn llawn o’r Ysbryd Glân a doethineb, y rhai a osodom ar hyn o orchwyl.

4Eithr ni a barhawn mewn gweddi a gweinidogaeth y gair.

5A bodlon fu’r ymadrodd gan yr holl liaws: a hwy a etholasant Steffan, Pen 11:24gŵr llawn o ffydd ac o’r Ysbryd Glân, a Pen 8:5, 26; 21:8Philip, a Phrochorus, a Nicanor, a Thimon, a Pharmenas, a Nicolas, proselyt o Antiochia:

6Y rhai a osodasant hwy gerbron yr apostolion; ac wedi iddynt weddïo, Pen 8:17; 13:3; 1 Tim 4:14; 5:22; 2 Tim 1:6hwy a ddodasant eu dwylo arnynt hwy.

7A Pen 12:24; 19:20|ACT 19:20; Col 1:6gair Duw a gynyddodd; a rhifedi’r disgyblion yn Jerwsalem a amlhaodd yn ddirfawr, a thyrfa fawr o’r offeiriaid a ufuddhasant i’r ffydd.

8Eithr Steffan, yn llawn ffydd a nerth, a wnaeth ryfeddodau ac arwyddion mawrion ymhlith y bobl.

9Yna y cyfododd rhai o’r synagog a elwir eiddo y Libertiniaid, a’r Cyreniaid, a’r Alexandriaid, a’r rhai o Cilicia, ac o Asia, gan ymddadlau â Steffan:

10Ac Luc 21:15; Edrych Exod 4:12; Esa 54:17ni allent wrthwynebu’r doethineb a’r ysbryd trwy yr hwn yr oedd efe yn llefaru.

11Yna y gosodasant wŷr i ddywedyd, Nyni a’i clywsom ef yn dywedyd geiriau cablaidd yn erbyn Moses a Duw.

12A hwy a gynyrfasant y bobl, a’r henuriaid, a’r ysgrifenyddion; a chan ddyfod arno, a’i cipiasant ef, ac a’i dygasant i’r gynghorfa;

13Ac a osodasant gau dystion, y rhai a ddywedent, Nid yw’r dyn hwn yn peidio â dywedyd cableiriau yn erbyn y lle sanctaidd hwn, a’r gyfraith:

14Canys nyni a’i clywsom ef yn dywedyd, y Pen 25:8distrywiai yr Iesu hwn o Nasareth y lle yma, ac y newidiai efe y defodau a draddododd Moses i ni.

15Ac fel yr oedd yr holl rai a eisteddent yn y cyngor yn dal sylw arno, hwy a welent ei wyneb ef fel wyneb angel.