Eseciel 12 - Beibl William Morgan - 1955 Edition with cross-references

1 Rhith ac arwydd symudiad Eseciel, 8 yn dangos caethiwed Sedeceia. 17 Dychryn Eseciel yn dangos anghyfanhedd‐dra yr Iddewon. 21 Beio ar ryfygus ddihareb yr Iddewon. 26 Nid oedir y weledigaeth.

1A gair yr Arglwydd a ddaeth ataf, gan ddywedyd,

2Trigo yr wyt ti, fab dyn, yng nghanol offer caethglud, a muda liw dydd o flaen eu llygaid hwynt; ie, muda o’th le dy hun i le arall yng ngŵydd eu llygaid hwynt: nid hwyrach y gwelant, er eu bod yn dŷ gwrthryfelgar.

4A dwg allan dy ddodrefn liw dydd yng ngŵydd eu llygaid, fel dodrefn caethglud: a dos allan yn yr hwyr yng ngŵydd eu llygaid, fel rhai yn myned allan i gaethglud.

5Cloddia i ti o flaen eu llygaid hwynt trwy y mur, a dwg allan trwy hwnnw.

6Ar dy ysgwydd y dygi yng ngŵydd eu llygaid hwynt, yn y tywyll y dygi allan: dy wyneb a guddi, fel na welych y ddaear: canys yn arwydd y’th roddais i dŷ Israel.

7Ac mi a wneuthum felly fel y’m gorchmynnwyd: dygais fy offer allan liw dydd, fel offer caethglud; ac yn yr hwyr y cloddiais trwy y mur â’m llaw: yn y tywyll y dygais allan, ar fy ysgwydd y dygais o flaen eu llygaid hwynt.

8A’r bore y daeth gair yr Arglwydd ataf, gan ddywedyd,

9Ha fab dyn, oni ddywedodd tŷ Israel, y tŷ gwrthryfelgar, wrthyt, Beth yr wyt ti yn ei wneuthur?

10Dywed di wrthynt, Fel hyn y dywed yr Arglwydd Dduw, I’r tywysog yn Jerwsalem y mae y baich hwn, ac i holl dŷ Israel y rhai sydd yn eu mysg.

11Dywed, Eich arwydd chwi ydwyf fi; fel y gwneuthum i, felly y gwneir iddynt hwy: mewn caethglud yr ânt i gaethiwed.

12A’r ychydig ddynion oddi wrth y cleddyf, oddi wrth y newyn, ac oddi wrth yr haint; fel y mynegont eu holl ffieidd‐dra ymysg y cenhedloedd, lle y delont: a gwybyddant mai myfi yw yr Arglwydd.

17Gair yr Arglwydd hefyd a ddaeth ataf, gan ddywedyd,

18Ha fab dyn, Pen 4:16bwytei dy fara dan grynu, a’th ddwfr a yfi mewn dychryn a gofal:

19A dywed wrth bobl y tir, Fel hyn y dywed yr Arglwydd Dduw am drigolion Jerwsalem, ac am wlad Israel; Eu bara a fwytânt mewn gofal, a’u dwfr a yfant mewn syndod, fel yr anrheithir ei thir o’i chyflawnder, am drais y rhai oll a drigant ynddi.

20A’r dinasoedd cyfanheddol a anghyfanheddir, a’r tir a fydd anrheithiol; felly y gwybyddwch mai myfi yw yr Arglwydd.

21A daeth gair yr Arglwydd ataf, gan ddywedyd,

22Ha fab dyn, beth yw y ddihareb hon gennych am dir Israel, ad. 27; Pen 11:3; Amos 6:3; 2 Pedr 3:4gan ddywedyd, Y dyddiau a estynnwyd, a darfu am bob gweledigaeth?

23Am hynny dywed wrthynt, Fel hyn y dywed yr Arglwydd Dduw; Gwnaf i’r ddihareb hon beidio, fel nad arferont hi yn ddihareb mwy yn Israel: ond dywed wrthynt, Y dyddiau sydd agos, a sylwedd pob gweledigaeth.

24Canys Pen 13:23ni bydd mwy un weledigaeth ofer, na dewiniaeth wenieithus, o fewn tŷ Israel.

25Canys myfi yw yr Arglwydd: mi a lefaraf, a’r gair a lefarwyf a wneir; nid oedir ef mwy: oherwydd yn eich dyddiau chwi, O dŷ gwrthryfelgar, y dywedaf y gair, ac a’i gwnaf, medd yr Arglwydd Dduw.

26A gair yr Arglwydd a ddaeth ataf, gan ddywedyd,

27ad. 22Ha fab dyn, wele dŷ Israel yn dywedyd, Y weledigaeth a wêl efe fydd 2 Pedr 3:4wedi dyddiau lawer, a phroffwydo y mae efe am amseroedd pell.

28Am hynny dywed wrthynt, Fel hyn y dywed yr Arglwydd Dduw; Nid oedir dim o’m geiriau mwy, ond y gair a ddywedais a wneir, medd yr Arglwydd Dduw.