Salm 33 - Beibl William Morgan - 1955 Edition with cross-references

SALM 331 Bod yn rhaid moliannu Duw, am ei ddaioni, 6 am ei allu, 12 am ei ragluniaeth. 20 Ar Dduw y mae hyderu.

1Ymlawenhewch, y rhai cyfiawn, Salm 97:12yn yr Arglwydd: i’r rhai uniawn gweddus yw Salm 147:1mawl.

2Molwch yr Arglwydd â’r delyn: cenwch iddo â’r nabl, ac â’r dectant.

3 Salm 96:1; 98:1; 144:9; Esa 42:10; Dat 5:9 Cenwch iddo ganiad newydd: cenwch yn gerddgar, yn soniarus.

4Canys uniawn yw gair yr Arglwydd; a’i holl weithredoedd a wnaed mewn ffyddlondeb.

5 Salm 45:7 Efe a gâr gyfiawnder a barn: Salm 119:64o drugaredd yr Arglwydd y mae y ddaear yn gyflawn.

6 Gen 1:6, 7; Heb 11:3; 2 Pedr 3:5 Trwy air yr Arglwydd y gwnaethpwyd y nefoedd; a’u Gen 2:1holl luoedd hwy Job 26:13trwy ysbryd ei enau ef.

7 Gen 1:9; Job 26:10; 38:8 Casglu y mae efe ddyfroedd y môr ynghyd megis pentwr: y mae yn rhoddi y dyfnderoedd mewn trysorau.

8Ofned yr holl ddaear yr Arglwydd: holl drigolion y byd arswydant ef.

9Canys Gen 1:3; Salm 148:5efe a ddywedodd, ac felly y bu: efe a orchmynnodd, a hynny a safodd.

10 Esa 19:3 Yr Arglwydd sydd yn diddymu cyngor y cenhedloedd: y mae efe yn diddymu amcanion pobloedd.

11 Job 23:13; Diar 19:21; Esa 46:10 Cyngor yr Arglwydd a saif yn dragywydd; meddyliau ei galon o genhedlaeth i genhedlaeth.

12 Salm 65:4; 144:15 Gwyn ei byd y genedl y mae yr Arglwydd yn Dduw iddi; a’r bobl a ddetholodd efe yn etifeddiaeth iddo ei hun.

13 2 Cron 16:9; Job 28:24; Salm 11:4; 14:2 Yr Arglwydd sydd yn edrych i lawr o’r nefoedd: y mae yn gweled holl feibion dynion.

14O breswyl ei drigfa yr edrych efe ar holl drigolion y ddaear.

15Efe a gydluniodd eu calon hwynt: efe a ddeall eu holl weithredoedd.

16 Salm 44:6 Ni waredir brenin gan liaws llu: ni ddianc cadarn trwy ei fawr gryfder.

17 Salm 147:10; Diar 21:31 Peth ofer yw march i ymwared: ac nid achub efe neb trwy ei fawr gryfder.

18 Job 36:7; Salm 34:15; 1 Pedr 3:12 Wele, y mae llygad yr Arglwydd ar y rhai a’i hofnant ef, sef Salm 147:11ar y rhai a obeithiant yn ei drugaredd ef;

19I waredu eu henaid rhag angau, ac Job 5:20; Salm 37:19i’w cadw yn fyw yn amser newyn.

20 Salm 62:1, 5; 130:6 Ein henaid sydd yn disgwyl am yr Arglwydd: Salm 115:9, 10, 11efe yw ein porth a’n tarian.

21Canys ynddo ef y llawenycha ein calon, oherwydd i ni obeithio yn ei enw sanctaidd ef.

22Bydded dy drugaredd, Arglwydd, arnom ni, megis yr ydym yn ymddiried ynot.