Josua 14 - Beibl William Morgan - 1955 Edition with cross-references

2 Y naw llwyth a hanner i gael eu hetifeddiaeth wrth goelbren. 6 Caleb trwy ragorfraint yn cael Hebron.

1Dyma hefyd y gwledydd a etifeddodd meibion Israel yng ngwlad Canaan, Num 34:17y rhai a rannodd Eleasar yr offeiriad, a Josua mab Nun, a phennau‐cenedl llwythau meibion Israel, iddynt hwy i’w hetifeddu.

2Num 26:55; 33:54; 34:13Wrth goelbren yr oedd eu hetifeddiaeth hwynt; fel y gorchmynasai yr Arglwydd trwy law Moses eu rhoddi i’r naw llwyth, ac i’r hanner llwyth.

3Canys Moses a roddasai etifeddiaeth i ddau lwyth, ac i hanner llwyth, o’r tu hwnt i’r Iorddonen; ond i’r Lefiaid ni roddasai efe etifeddiaeth yn eu mysg hwynt;

4Canys Gen 48:5; 1 Cron 5:1, 2meibion Joseff oedd ddau lwyth, Manasse ac Effraim: am hynny ni roddasant ran i’r Lefiaid yn y tir, Num 35:2; Jos 21:2ond dinasoedd i drigo, a’u meysydd pentrefol i’w hanifeiliaid, ac i’w golud.

5Fel y gorchmynasai yr Arglwydd i Moses, felly y gwnaeth meibion Israel, a hwy a ranasant y wlad.

6Yna meibion Jwda a ddaethant at Josua yn Gilgal: a Chaleb mab Jeffunne Num 32:12y Cenesiad a ddywedodd wrtho ef, Tydi a wyddost Num 14:24y gair a lefarodd yr Arglwydd wrth Moses gŵr Duw o’m plegid i, ac o’th blegid dithau, yn Cades‐barnea.

7Mab deugain mlwydd oeddwn i pan Num 13:6; 14:6anfonodd Moses gwas yr Arglwydd fi o Cades‐barnea, i edrych ansawdd y wlad; a mi a ddygais air iddo ef drachefn, fel yr oedd yn fy nghalon.

8Ond Num 13:31, 32fy mrodyr, y rhai a aethant i fyny gyda mi, a ddigalonasant y bobl: eto Num 14:24myfi a gyflawnais fyned ar ôl yr Arglwydd fy Nuw.

9A Moses a dyngodd y diwrnod hwnnw, gan ddywedyd, Diau Deut 11:24; Jos 1:3y bydd y wlad Edrych Num 13:22y sathrodd dy droed arni, yn etifeddiaeth i ti, ac i’th feibion hyd byth; am i ti gyflawni myned ar ôl yr Arglwydd fy Nuw.

10Ac yn awr, wele yr Arglwydd a’m cadwodd yn fyw, Num 14:30fel y llefarodd efe, y pum mlynedd a deugain hyn, er pan lefarodd yr Arglwydd y gair hwn wrth Moses, tra y rhodiodd Israel yn yr anialwch: ac yn awr, wele fi heddiw yn fab pum mlwydd a phedwar ugain.

11Edrych Deut 34:7 Yr ydwyf eto mor gryf heddiw â’r dydd yr anfonodd Moses fi: fel yr oedd fy nerth i y pryd hwnnw, felly y mae fy nerth i yn awr, i ryfela, ac i fyned allan, ac i ddyfod i mewn.

12Yn awr gan hynny dyro i mi y mynydd yma, am yr hwn y llefarodd yr Arglwydd y dwthwn hwnnw, (canys ti a glywaist y dwthwn hwnnw fod Num 13:28, 32, 33yr Anaciaid yno, a dinasoedd mawrion caerog;) ond odid yr Arglwydd fydd gyda mi, fel y gyrrwyf hwynt allan, megis y llefarodd yr Arglwydd.

13A Josua a’i bendithiodd ef, ac Pen 15:13; Barn 1:20; Edrych Jos 21:11, 12; 1 Cron 6:55, 56a roddodd Hebron i Caleb mab Jeffunne yn etifeddiaeth.

14Am hynny mae Hebron yn etifeddiaeth i Caleb mab Jeffunne y Cenesiad hyd y dydd hwn: oherwydd iddo ef gwblhau myned ar ôl Arglwydd Dduw Israel.

15Ac Gen 23:2; Jos 15:13enw Hebron o’r blaen oedd Caer‐arba: yr Arba hwnnw oedd ŵr mawr ymysg yr Anaciaid. Pen 11:23A’r wlad a orffwysodd heb ryfel.