Galatiaid 2 - Beibl William Morgan - 1955 Edition with cross-references

A.D. 58. —1 Y mae yn dangos pa bryd yr aeth efe i fyny i Jerwsalem, ac i ba beth; 3 ac nad enwaedasid ar Titus; 11 a gwrthwynebu ohono ef Pedr. 14 Paham y mae efe ac eraill, a hwythau yn Iddewon, yn credu y cânt eu cyfiawnhau yng Nghrist trwy ffydd, ac nid trwy weithredoedd; 20 ac na bo iddynt hwy, y rhai a gyfiawnhawyd felly, fyw mewn pechod.

1Yna wedi pedair blynedd ar ddeg yr euthum drachefn i fyny i Jerwsalem gyda Barnabas, gan gymryd Titus hefyd gyda mi.

2Ac mi a euthum i fyny yn ôl datguddiad, ac a fynegais iddynt yr efengyl yr hon yr wyf yn ei phregethu ymhlith y Cenhedloedd; ond o’r neilltu i’r rhai cyfrifol, rhag mewn un modd cyfrifol ni chwanegasant ddim i mi:

7Eithr yn y gwrthwyneb, Act 13:46; Rhuf 11:13; 1 Tim 2:7; 2 Tim 1:11pan welsant ddarfod ymddiried i mi am efengyl y dienwaediad, megis am efengyl yr enwaediad i Pedr:

8(Canys yr hwn oedd yn gweithredu yn nerthol yn Pedr i apostoliaeth yr enwaediad, Act 9:15; 13:2; 22:21; Pen 1:16a nerthol weithredodd ynof finnau hefyd tuag at y Cenhedloedd:)

9A phan wybu Iago, a Cheffas, ac Ioan, y rhai a dybid eu bod Mat 16:18yn golofnau, Rhuf 1:5; 12:3; 15:15; Eff 3:8y gras a roddwyd i mi, hwy a roddasant i mi ac i Barnabas ddeau‐ddwylo cymdeithas; fel yr elem ni at y Cenhedloedd, a hwythau at yr enwaediad.

10Yn unig ar fod i ni gofio’r tlodion; Act 24:17yr hyn hefyd y bûm i ddiwyd i’w wneuthur.

11A phan ddaeth Pedr i Antiochia, mi a’i gwrthwynebais yn ei wyneb, am ei fod i’w feio.

12Oblegid cyn dyfod rhai oddi wrth Iago, Act 10:28; 11:3efe a fwytaodd gyda’r Cenhedloedd: ond wedi iddynt ddyfod, efe a giliodd, ac a’i neilltuodd ei hun oddi wrthynt, gan ofni’r rhai oedd o’r enwaediad.

13A’r Iddewon eraill hefyd a gyd‐ragrithiasant ag ef; yn gymaint ag y dygwyd Barnabas hefyd i’w rhagrith hwy.

14Eithr pan welais i nad oeddynt yn iawn droedio at Ad. 5wirionedd yr efengyl, mi a ddywedais wrth Pedr 1 Tim 5:20yn eu gŵydd hwy oll, Act 10:28Os wyt ti, a thi yn Iddew, yn byw fel y Cenhedloedd, ac nid fel yr Iddewon, paham yr wyt ti yn cymell y Cenhedloedd i fyw yn Iddewaidd?

15Nyni, y rhai wrth naturiaeth ydym Act 10:28Iddewon, ac nid o’r Cenhedloedd Eff 2:3, 12yn bechaduriaid,

16Act 13:38Yn gwybod nad ydys yn cyfiawnhau dyn trwy weithredoedd y ddeddf, ond Rhuf 1:17; 3:22, 28; 8:3; Heb 7:18, 19trwy ffydd Iesu Grist, ninnau hefyd a gredasom yng Nghrist Iesu, fel y’n cyfiawnhaer trwy ffydd Crist, ac nid trwy weithredoedd y ddeddf: oblegid Salm 143:2; Rhuf 3:20; Pen 3:11ni chyfiawnheir un cnawd trwy weithredoedd y ddeddf.

17Ac os, wrth geisio ein cyfiawnhau yng Nghrist, y’n caed ninnau hefyd 1 Ioan 3:8, 9yn bechaduriaid, a ydyw Crist am hynny yn weinidog pechod? Na ato Duw.

18Canys os wyf fi yn adeiladu drachefn y pethau a ddistrywiais, yr wyf yn fy ngwneuthur fy hun yn droseddwr.

19Canys yr wyf fi Pen 5:1trwy’r ddeddf Rhuf 6:14; 7:4, 6wedi marw i’r ddeddf, fel y byddwn Rhuf 6:11; 2 Cor 5:15; 1 Thess 5:10; 1 Pedr 4:2fyw i Dduw.

20Mi Rhuf 6:6; Pen 5:24a groeshoeliwyd gyda Christ: eithr byw ydwyf; eto nid myfi, ond Crist sydd yn byw ynof fi: a’r hyn yr ydwyf yr awron yn ei fyw yn y cnawd, ei fyw yr ydwyf trwy ffydd Mab Duw, Pen 1:4; Eff 5:2; Titus 2:14yr hwn a’m carodd, ac a’i dodes ei hun drosof fi.

21Nid wyf yn dirymu gras Duw: canys Heb 7:11os o’r ddeddf y mae cyfiawnder, yna y bu Crist farw yn ofer.