Salm 6 - Beibl William Morgan - 1955 Edition with cross-references

SALM 61 Achwynion Dafydd yn ei glefyd. 8 Y mae efe trwy ffydd yn gorfoleddu ar ei elynion.I’r Pencerdd ar Neginoth ar y Seminith, Salm Dafydd.

1 Arglwydd, Salm 38:1; Jer 10:24; 46:28na cherydda fi yn dy lidiowgrwydd, ac na chosba fi yn dy lid.

2Trugarha wrthyf, Arglwydd: canys llesg ydwyf fi: iachâ fi, O Arglwydd; canys fy esgyrn a gystuddiwyd.

3A’m henaid a ddychrynwyd yn ddirfawr: tithau, Arglwydd, pa hyd?

4Dychwel, Arglwydd, gwared fy enaid: achub fi er mwyn dy drugaredd.

5 Salm 30:9; 88:11; 115:17; 118:17; Esa 38:18 Canys yn angau nid oes goffa amdanat: yn y bedd pwy a’th folianna?

6Diffygiais gan fy ochain; bob nos yr ydwyf yn gwneuthur fy ngwely yn foddfa: yr ydwyf fi yn gwlychu fy ngorweddfa â’m dagrau.

7 Job 17:7; Salm 31:9; 38:10; 88:9; Galar 5:17 Treuliodd fy llygad gan ddicter: heneiddiodd oherwydd fy holl elynion.

8 Salm 119:115; Mat 7:23; 25:41; Luc 13:27 Ciliwch oddi wrthyf, holl weithredwyr anwiredd: canys yr Arglwydd a glywodd lef fy wylofain.

9Clybu yr Arglwydd fy neisyfiad: yr Arglwydd a dderbyn fy ngweddi.

10Gwaradwydder a thralloder yn ddirfawr fy holl elynion: dychweler a chywilyddier hwynt yn ddisymwth.