Mathew 16 - Beibl William Morgan - 1955 Edition with cross-references

A.D. 32. —1 Y Phariseaid yn gofyn arwydd. 6 Iesu yn rhybuddio ei ddisgyblion am lefain y Phariseaid a’r Sadwceaid. 13 Tyb y bobl am Grist, 16 a chyffes Pedr amdano. 21 Iesu yn rhagfynegi ei farwolaeth: 23 yn ceryddu Pedr am ei gynghori i’r gwrthwyneb; 24 ac yn rhybuddio y sawl a fynnent ei ganlyn ef, i ddwyn y groes.

1Ac Pen 12:38; Marc 8:11; Luc 12:54wedi i’r Phariseaid a’r Sadwceaid ddyfod ato, a’i demtio, hwy a atolygasant iddo ddangos iddynt arwydd o’r nef.

2Ac efe a atebodd ac a ddywedodd wrthynt, Pan fyddo’r hwyr, y dywedwch, Tywydd teg; canys y mae’r wybr yn goch.

3A’r bore, Heddiw drycin; canys y mae’r wybr yn goch ac yn bruddaidd. O ragrithwyr, chwi a fedrwch ddeall wyneb yr wybren; ac oni fedrwch arwyddion yr amserau?

4Pen 12:39Y mae cenhedlaeth ddrwg a godinebus yn ceisio arwydd; ac arwydd nis rhoddir iddi, ond arwydd y proffwyd Jonas. Ac efe a’u gadawodd hwynt, ac a aeth ymaith.

5Ac Marc 8:14wedi dyfod ei ddisgyblion ef i’r lan arall, hwy a ollyngasent dros gof gymryd bara ganddynt.

6A’r Iesu a ddywedodd wrthynt, Luc 12:1Edrychwch ac ymogelwch rhag surdoes y Phariseaid a’r Sadwceaid.

7A hwy a ymresymasant yn eu plith eu hunain, gan ddywedyd, Hyn sydd am na chymerasom fara gennym.

8A’r Iesu yn gwybod, a ddywedodd wrthynt, Chwychwi o ychydig ffydd, paham yr ydych yn ymresymu yn eich plith eich hunain, am na chymerasoch fara gyda chwi?

9Onid ydych chwi yn deall eto, nac yn cofio Pen 14:17; Ioan 6:9pum torth y pum mil, a pha sawl basgedaid a gymerasoch i fyny?

10Pen 15:34Na saith dorth y pedair mil, a pha sawl cawellaid a gymerasoch i fyny?

11Pa fodd nad ydych yn deall, nad am fara y dywedais wrthych, ar ymogelyd rhag surdoes y Phariseaid a’r Sadwceaid?

12Yna y deallasant na ddywedasai efe am ymogelyd rhag surdoes bara, ond rhag athrawiaeth y Phariseaid a’r Sadwceaid.

13Ac wedi dyfod yr Iesu i dueddau Cesarea Philipi, efe a ofynnodd i’w ddisgyblion, gan ddywedyd, Marc 8:27; Luc 9:18Pwy y mae dynion yn dywedyd fy mod i, Mab y dyn?

14A hwy a ddywedasant, Pen 14:2; Luc 9:7, 8, 9Rhai, mai Ioan Fedyddiwr, a rhai, mai Eleias, ac eraill, mai Jeremeias, neu un o’r proffwydi.

15Efe a ddywedodd wrthynt, Ond pwy meddwch chwi ydwyf fi?

16A Simon Pedr a atebodd ac a ddywedodd, Ioan 6:69; 11:27; Act 8:37; 9:20; 1 Ioan 4:15; 5:5Ti yw’r Crist, Mab y Duw byw.

17A’r Iesu gan ateb a ddywedodd wrtho, Gwyn dy fyd di, Simon mab Jona: canys nid cig a gwaed a ddatguddiodd hyn i ti, ond 1 Cor 2:10fy Nhad yr hwn sydd yn y nefoedd.

18Ac yr ydwyf finnau yn dywedyd i ti, mai Ioan 1:42ti yw Pedr, ac Eff 2:20; Dat 21:14ar y graig hon yr adeiladaf fy eglwys; a phyrth uffern nis gorchfygant hi.

19A Pen 18:18; Ioan 20:23rhoddaf i ti agoriadau teyrnas nefoedd: a pha beth bynnag a rwymech ar y ddaear, a fydd rhwymedig yn y nefoedd; a pha beth bynnag a ryddhaech ar y ddaear, a fydd wedi ei ryddhau yn y nefoedd.

20Pen 17:9; Marc 8:30; Luc 9:21Yna y gorchmynnodd efe i’w ddisgyblion, na ddywedent i neb mai efe oedd Iesu Grist.

21O hynny allan y dechreuodd yr Iesu Pen 20:17; Marc 9:31; 10:33; Luc 18:31; 24:7ddangos i’w ddisgyblion fod yn rhaid iddo fyned i Jerwsalem, a dioddef llawer gan yr henuriaid, a’r archoffeiriaid, a’r ysgrifenyddion, a’i ladd, a chyfodi y trydydd dydd.

22A Phedr, wedi ei gymryd ef ato, a ddechreuodd ei geryddu ef, gan ddywedyd, Arglwydd, trugarha wrthyt dy hun; ni bydd hyn i ti.

23Ac efe a drodd, ac a ddywedodd wrth Pedr, Edrych 2 Sam 19:22Dos yn fy ôl i, Satan: rhwystr ydwyt ti i mi: am nad ydwyt yn synied y pethau sydd o Dduw, ond y pethau sydd o ddynion.

24 Pen 10:38 ; Marc 8:34; Luc 9:23; 14:27Yna y dywedodd yr Iesu wrth ei ddisgyblion, Os myn neb ddyfod ar fy ôl i, ymwaded ag ef ei hun, a chyfoded ei groes, a chanlyned fi.

25Canys Luc 17:33; Ioan 12:25pwy bynnag a ewyllysio gadw ei fywyd, a’i cyll: a phwy bynnag a gollo ei fywyd o’m plegid i, a’i caiff.

26Canys pa lesâd i ddyn, os ennill efe yr holl fyd, a cholli ei enaid ei hun? neu Salm 49:7, 8pa beth a rydd dyn yn gyfnewid am ei enaid?

27Canys Pen 26:64; Marc 8:38Mab y dyn a ddaw yng ngogoniant ei Dad Sech 14:5; Pen 25:31; Jwdas 14gyda’i angylion; Job 34:11; Salm 62:12; Rhuf 2:6; Dat 2:23ac yna y rhydd efe i bawb yn ôl ei weithred.

28Yn wir y dywedaf wrthych, Marc 9:1; Luc 9:27Y mae rhai o’r sawl sydd yn sefyll yma, a’r ni phrofant angau, hyd oni welont Fab y dyn yn dyfod yn ei frenhiniaeth.