Salm 98 - Beibl William Morgan - 1955 Edition with cross-references

SALM 981 Dafydd yn annog yr Iddewon, 4 a’r cenhedloedd, 7 a’r holl greaduriaid, i glodfori Duw.Salm.

1 Salm 33:3; 96:1; Esa 42:10 Cenwch i’r Arglwydd ganiad newydd: canys efe a wnaeth bethau rhyfedd: Esa 59:16; 63:5ei ddeheulaw a’i fraich sanctaidd a barodd iddo fuddugoliaeth.

2 Esa 52:10 Hysbysodd yr Arglwydd ei iachawdwriaeth: datguddiodd ei gyfiawnder yng ngolwg y cenhedloedd.

3Cofiodd ei drugaredd a’i wirionedd i dŷ Israel: holl derfynau y ddaear a welsant iachawdwriaeth ein Duw ni.

4Cenwch yn llafar i’r Arglwydd, yr holl ddaear: llefwch, ac ymlawenhewch, a chenwch.

5Cenwch i’r Arglwydd gyda’r delyn; gyda’r delyn, a llef salm.

6Ar utgyrn a sain cornet, cenwch yn llafar o flaen yr Arglwydd y Brenin.

7 Salm 96:11 &c Rhued y môr a’i gyflawnder; y byd a’r rhai a drigant o’i fewn.

8Cured y llifeiriaint eu dwylo; a chydganed y mynyddoedd

9O flaen yr Arglwydd; canys y mae yn dyfod i farnu y ddaear: efe a farna y byd â chyfiawnder, a’r bobloedd ag uniondeb.