2 Samuel 9 - Beibl William Morgan - 1955 Edition with cross-references

1 Dafydd, trwy law Siba, yn danfon am Meffiboseth; 7 ac, er mwyn Jonathan, yn ei dderbyn ef i’w fwrdd, ac yn adfer iddo gwbl ag oedd eiddo Saul; 9 ac yn gwneuthur Siba yn oruchwyliwr iddo ef.

1A Dafydd a ddywedodd, A oes eto un wedi ei adael o dŷ Saul, fel y gwnelwyf drugaredd ag ef, er mwyn Jonathan?

2Ac yr oedd gwas o dŷ Saul a’i enw Pen 16:1; 19:17, 29Siba. A hwy a’i galwasant ef at Dafydd. A’r brenin a ddywedodd wrtho ef, Ai tydi yw Siba? A dywedodd yntau, Dy was yw efe.

3A dywedodd y brenin, A oes neb eto o dŷ Saul, fel y gwnelwyf 1 Sam 20:14drugaredd Duw ag ef? A dywedodd Siba wrth y brenin, Y mae eto fab i Jonathan, Pen 4:4yn gloff o’i draed.

4A dywedodd y brenin wrtho, Pa le y mae efe? A Siba a ddywedodd wrth y brenin, Wele ef yn nhŷ Pen 17:27Machir, mab Ammiel, yn Lo‐debar.

5Yna y brenin Dafydd a anfonodd, ac a’i cyrchodd ef o dŷ Machir, mab Ammiel, o Lo‐debar.

6A phan ddaeth Meffiboseth mab Jonathan, mab Saul, at Dafydd, efe a syrthiodd ar ei wyneb, ac a ymgrymodd. A Dafydd a ddywedodd, Meffiboseth. Dywedodd yntau, Wele dy was.

7A Dafydd a ddywedodd wrtho ef, Nac ofna: canys gan wneuthur y gwnaf drugaredd â thi, er mwyn Jonathan dy dad, a mi a roddaf yn ei ôl i ti holl dir Saul dy dad; a thi a fwytei fara ar fy mwrdd i yn wastadol.

8Ac efe a ymgrymodd, ac a ddywedodd, Beth ydyw dy was di, pan edrychit ar 1 Sam 24:14gi marw o’m bath i?

9Yna y brenin a alwodd ar Siba gwas Saul, ac a ddywedodd wrtho, Edrych Pen 19:29Yr hyn oll oedd eiddo Saul, ac eiddo ei holl dŷ ef, a roddais i fab dy feistr di.

10A thi a erddi y tir iddo ef, ti, a’th feibion, a’th weision, ac a’u dygi i mewn, fel y byddo bara i fab dy feistr di, ac y bwytao efe: a Meffiboseth, mab dy feistr di, a fwyty yn wastadol fara ar fy mwrdd i. Ac i Siba yr oedd pymtheg o feibion, ac ugain o weision.

11Yna y dywedodd Siba wrth y brenin, Yn ôl yr hyn oll a orchmynnodd fy arglwydd y brenin i’w was, felly y gwna dy was. Yna y dywedodd Dafydd, Meffiboseth a fwyty ar fy mwrdd i, fel un o feibion y brenin.

12Ac i Meffiboseth yr oedd mab bychan, a’i enw oedd 1 Cron 8:34Micha. A phawb a’r a oedd yn cyfanheddu tŷ Siba oedd weision i Meffiboseth.

13A Meffiboseth a drigodd yn Jerwsalem: canys ar fwrdd y brenin yr oedd efe yn bwyta yn wastadol: ac yr oedd efe ad. 3yn gloff o’i ddeudroed.