Salm 108 - Beibl William Morgan - 1955 Edition with cross-references

SALM 1081 Dafydd yn ymwroli i foliannu Duw: 5 yn gweddïo am gymorth Duw yn ôl ei addewid. 11 Ei hyder ef ar gynorthwy Duw.Cân neu Salm Dafydd.

1 Salm 57:7, &c Parod yw fy nghalon, O Dduw: canaf a chanmolaf â’m gogoniant.

2Deffro, y nabl a’r delyn: minnau a ddeffroaf yn fore.

3Clodforaf di, Arglwydd, ymysg y bobloedd: canmolaf di ymysg y cenhedloedd.

4Canys mawr yw dy drugaredd oddi ar y nefoedd: a’th wirionedd a gyrraedd hyd yr wybren.

5 Salm 57:5, 11 Ymddyrcha, O Dduw, uwch y nefoedd: a bydded dy ogoniant ar yr holl ddaear;

6 Salm 60:5, &c Fel y gwareder dy rai annwyl: achub â’th ddeheulaw, a gwrando fi.

7 Duw a lefarodd yn ei sancteiddrwydd, Llawenychaf, rhannaf Sichem, a mesuraf ddyffryn Succoth.

8Eiddof fi yw Gilead; eiddof fi Manasse; Effraim hefyd yw nerth fy mhen: Jwda yw fy neddfwr.

9Moab yw fy nghrochan golchi; tros Edom y taflaf fy esgid: buddugoliaethaf ar Philistia.

10Pwy a’m dwg i’r ddinas gadarn? pwy a’m dwg hyd yn Edom?

11Onid tydi, O Dduw, yr hwn a’n bwriaist ymaith? ac onid ei di allan, O Dduw, gyda’n lluoedd?

12Dyro i ni gynhorthwy rhag cyfyngder: canys gau yw ymwared dyn.

13Trwy Dduw y gwnawn wroldeb: canys efe a sathr ein gelynion.