Eseia 54 - Beibl William Morgan - 1955 Edition with cross-references

1 Y proffwyd, er mwyn cysuro y Cenhedloedd, yn proffwydo helaethrwydd yr eglwys; 4 eu diogelwch hwy, 6 a’u sicr ymwared allan o gystudd, 11 a’u hadeilad deg, 15 a’u diogel gadwedigaeth.

1 Seff 3:14; Gal 4:27 Cân, di amhlantadwy nid esgorodd; bloeddia ganu, a gorfoledda, yr hon nid esgorodd: oherwydd 1 Sam 2:5amlach meibion yr hon a adawyd, na’r hon y mae gŵr iddi, medd yr Arglwydd.

2Pen 49:19, 20Helaetha le dy babell, ac estynnant gortynnau dy breswylfeydd: nac atal, estyn dy raffau, a sicrha dy hoelion.

3Canys ti a dorri allan ar y llaw ddeau ac ar y llaw aswy; a’th had a etifedda y Cenhedloedd, a dinasoedd anrheithiedig a wnânt yn gyfanheddol.

4Nac ofna; canys ni’th gywilyddir: ac na’th waradwydder, am na’th warthruddir; canys ti a anghofi waradwydd dy ieuenctid, a gwarthrudd dy weddwdod ni chofi mwyach.

5Canys dy briod yw yr hwn a’th wnaeth; Luc 1:32 Arglwydd y lluoedd yw ei enw: dy Waredydd hefyd, Sanct Israel, Duw yr holl ddaear y gelwir ef.

6Canys Pen 62:4fel gwraig wrthodedig, a chystuddiedig o ysbryd, y’th alwodd yr Arglwydd, a gwraig ieuenctid, pan oeddit wrthodedig, medd dy Dduw.

7Salm 30:5; Pen 26:20; 2 Cor 4:17Dros ennyd fechan y’th adewais; ond â mawr drugareddau y’th gasglaf.

8Mewn ychydig soriant y cuddiais fy wyneb oddi wrthyt ennyd awr; ond â thrugaredd dragwyddol y trugarhaf wrthyt, medd yr Arglwydd dy Waredydd.

9Canys Gen 8:21; 9:11; Edrych Jer 31:35, 36 fel dyfroedd Noa y mae hyn i mi: canys megis y tyngais nad elai dyfroedd Noa mwy dros y ddaear; felly y tyngais na ddigiwn wrthyt, ac na’th geryddwn.

10Canys Salm 46:2; Mat 5:18y mynyddoedd a giliant, a’r bryniau a symudant: eithr fy nhrugaredd ni chilia oddi wrthyt, a chyfamod fy hedd ni syfl, medd yr Arglwydd sydd yn trugarhau wrthyt.

11Y druan, helbulus gan dymestl, y ddigysur, wele, 1 Cron 29:2; Dat 21:18, &cmi a osodaf dy gerrig di â charbuncl, ac a’th sylfaenaf â meini saffir.

12Gwnaf hefyd dy ffenestri o risial, a’th byrth o feini disglair, a’th holl derfynau o gerrig dymunol.

13Pen 11:9; Jer 31:34; Ioan 6:45; 1 Cor 2:10; 1 Thess 4:9; 1 Ioan 2:20Dy holl feibion hefyd fyddant wedi eu dysgu gan yr Arglwydd; a mawr fydd heddwch dy feibion.

14Mewn cyfiawnder y’th sicrheir: byddi bell oddi wrth orthrymder, canys nid ofni; ac oddi wrth ddychryn, canys ni nesâ atat.

15Wele, gan ymgasglu hwy a ymgasglant, ond nid ohonof fi: pwy bynnag ohonot ti a ymgasglo i’th erbyn, efe a syrth.

16Wele, myfi a greais y gof, yr hwn a chwyth y marwor yn tân, ac a ddefnyddia arf i’w waith; myfi hefyd a greais y dinistrydd i ddistrywio.

17Ni lwydda un offeryn a lunier i’th erbyn; a thi a wnei yn euog bob tafod a gyfodo i’th erbyn mewn barn. Dyma etifeddiaeth gweision yr Arglwydd, a’u cyfiawnder hwy sydd oddi wrthyf fi, medd yr Arglwydd.