1 Cronicl 26 - Beibl William Morgan - 1955 Edition with cross-references

1 Dosbarthiadau y porthorion. 13 Rhannu iddynt y pyrth wrth goelbren. 20 Y Lefiaid y rhai oedd ar y trysorau. 29 Swyddogion a barnwyr.

1Am ddosbarthiad y porthorion: O’r Corhiaid yr oedd Meselemia mab Core, o feibion Asaff.

2A meibion Meselemia oedd, Sechareia y cyntaf‐anedig, Jediael yr ail, Sebadeia y trydydd, Jathniel y pedwerydd,

3Elam y pumed, Jehohanan y chweched, Elioenai y seithfed.

4A meibion Obed‐edom; Semaia y cyntaf‐anedig, Jehosabad yr ail, Joa y trydydd, a Sachar y pedwerydd, a Nethaneel y pumed,

5Ammiel y chweched, Issachar y seithfed, Peulthai yr wythfed: canys Duw a’i bendithiodd ef.

6Ac i Semaia ei fab ef y ganwyd meibion, y rhai a arglwyddiaethasant ar dŷ eu tad: canys cedyrn o nerth oeddynt hwy.

7Meibion Semaia; Othni, a Reffael, ac Obed, Elsabad; ei frodyr ef oedd wŷr nerthol, sef Elihu, a Semacheia.

8Y rhai hyn oll o feibion Obed‐edom: hwynt‐hwy, a’u meibion, a’u brodyr, yn wŷr nerthol mewn cryfder, tuag at y weinidogaeth, oedd drigain a dau o Obed‐edom.

9Ac i Meselemia, yn feibion ac yn frodyr, yr oedd tri ar bymtheg o wŷr nerthol.

10O fychan a mawr, yn ôl tŷ eu tadau, am bob porth.

14A choelbren Selemeia a syrthiodd tua’r dwyrain: a thros Sechareia ei fab, cynghorwr deallgar, y bwriasant hwy goelbrennau; a’i goelbren ef a ddaeth tua’r gogledd.

15I Obed‐edom tua’r deau, ac i’w feibion, y daeth tŷ Asuppim.

16I Suppim, a Hosa, tua’r gorllewin, gyda phorth Salecheth, yn ffordd y Laadan: meibion y Gersoniad Laadan, pennau tylwyth Laadan y Gersoniad, oedd Jehieli.

22Meibion Jehieli; Setham, a Joel ei frawd, oedd ar drysorau tŷ yr Arglwydd.

23O’r Amramiaid, a’r Ishariaid, o’r Hebroniaid, a’r Ussieliaid:

24A Pen 23:16Sebuel mab Gersom, mab Moses, oedd olygwr ar y trysorau.

25A’i frodyr ef o Eleasar; Rehabia ei fab ef, a Jesaia ei fab yntau, a Joram ei fab yntau, a Sichri ei fab yntau, a Pen 23:18Selomith ei fab yntau.

26Y Selomith hwnnw a’i frodyr oedd ar holl drysorau y pethau cysegredig a gysegrasai Dafydd frenin, a’r tadau pennaf, a thywysogion y miloedd a’r cannoedd, a thywysogion y llu.

27O’r rhyfeloedd ac o’r ysbail y cysegrasant bethau i gynnal tŷ yr Arglwydd.

28A’r hyn oll a gysegrodd Samuel 1 Sam 9:9y gweledydd, a Saul mab Cis, ac Abner mab Ner, a Joab mab Serfia, a phwy bynnag a gysegrasai ddim, yr oedd efe dan law Selomith a’i frodyr.

29O’r Ishariaid, Chenaneia a’i feibion oedd yn Israel Pen 23:4yn swyddogion, ac yn farnwyr, ar y gwaith oddi allan.

30O’r Hebroniaid, Hasabeia a’i frodyr, meibion nerthol, mil a saith gant, oedd mewn swydd yn Israel, o’r tu hwnt i’r Iorddonen tua’r gorllewin, yn holl waith yr Arglwydd, ac yng ngwasanaeth y brenin.

31O’r Hebroniaid, Pen 23:19Jereia oedd ben o’r Hebroniaid, yn ôl cenedlaethau ei dadau: yn y ddeugeinfed flwyddyn o deyrnasiad Dafydd y ceisiwyd hwynt, a chafwyd yn eu mysg hwy wŷr cryfion nerthol, Edrych Jos 21:39yn Jaser Gilead.

32A’i frodyr ef yn feibion nerthol oedd ddwy fil a saith gant o bennau‐cenedl: a Dafydd y brenin a’u gosododd hwynt ar y Reubeniaid, a’r Gadiaid, a hanner llwyth Manasse, ym mhob gorchwyl Duw, a 2 Cron 19:11gorchwyl y brenin.