1 Cronicl 16 - Beibl William Morgan - 1955 Edition with cross-references

1 Dafydd yn aberthu, 4 yn ordeinio cantorion i ganu mawl i Dduw, 7 yn gwneuthur Salm o ddiolch i Dduw, 37 yn gosod gweinidogion, a phorthorion, ac offeiriaid, a cherddorion, i weini i’r arch yn wastadol.

1Felly rhandir eich etifeddiaeth.

19Pan nad oeddech ond ychydig, Gen 34:30ie, ychydig, a dieithriaid ynddi;

20A phan rodient o genhedlaeth i genhedlaeth, ac o un frenhiniaeth at bobl eraill;

21Ni adawodd efe i neb eu gorthrymu: ond efe Gen 12:17; 20:3; Exod 7:15a geryddodd frenhinoedd o’u plegid hwy, gan ddywedyd,

22Salm 105:15Na chyffyrddwch â’m heneiniog, ac na ddrygwch fy mhroffwydi.

23Salm 96:1Cenwch i’r Arglwydd yr holl ddaear: mynegwch o ddydd i ddydd ei iachawdwriaeth ef.

24Adroddwch ei ogoniant ef ymhlith y cenhedloedd; a’i wyrthiau ymhlith yr holl bobloedd.

25Canys mawr yw yr Arglwydd, a chanmoladwy iawn: ofnadwy hefyd yw efe goruwch yr holl dduwiau.

26Oherwydd holl dduwiau y Lef 19:4bobloedd ydynt eilunod; ond yr Arglwydd a wnaeth y nefoedd.

27Gogoniant a harddwch sydd ger ei fron ef: nerth a gorfoledd yn ei fangre ef.

28Moeswch i’r Arglwydd, chwi deuluoedd y bobloedd, moeswch i’r Arglwydd ogoniant a nerth.

29Moeswch i’r Arglwydd ogoniant ei enw: dygwch aberth, a deuwch ger ei fron ef; ymgrymwch i’r Arglwydd mewn prydferthwch sancteiddrwydd.

30Ofnwch rhagddo ef yr holl ddaear: y byd hefyd a sicrheir, fel na syflo.

31Ymlawenyched y nefoedd, ac ymhyfryded y ddaear; a dywedant ymhlith y cenhedloedd, Yr Arglwydd sydd yn teyrnasu.

32Rhued y môr a’i gyflawnder; llawenhaed y maes, a’r hyn oll y sydd ynddo.

33Yna prennau y coed a ganant o flaen yr Arglwydd, am ei fod yn dyfod i farnu y ddaear.

34Salm 107:1; 118:1; 136:1Clodforwch yr Arglwydd; canys da yw: oherwydd ei drugaredd sydd yn dragywydd.

35A dywedwch, Salm 106:47, 48Achub ni, O Dduw ein hiachawdwriaeth, casgl ni hefyd, a gwared ni oddi wrth y cenhedloedd, i foliannu dy enw sanctaidd di, ac i ymogoneddu yn dy foliant.

36Bendigedig fyddo Arglwydd Dduw Israel, o dragwyddoldeb hyd dragwyddoldeb. A dywedodd yr holl Deut 27:15bobl, Amen, gan foliannu yr Arglwydd.

37Ac efe a adawodd yno, o flaen arch cyfamod yr Arglwydd, Asaff a’i frodyr, i weini gerbron yr arch yn wastadol, gwaith dydd yn ei ddydd:

38Ac Obed‐edom a’u brodyr, wyth a thrigain; Obed‐edom hefyd mab Jeduthun, a Hosa, i fod yn borthorion:

39Sadoc yr offeiriad, a’i frodyr yr offeiriaid, o flaen Pen 21:29; 2 Cron 1:3tabernacl yr Arglwydd, 1 Bren 3:4yn yr uchelfa oedd yn Gibeon,

40I offrymu poethoffrymau i’r Arglwydd ar allor y poethoffrwm yn wastadol Exod 29:38; Num 28:3fore a hwyr, yn ôl yr hyn oll sydd ysgrifenedig yng nghyfraith yr Arglwydd, yr hon a orchmynnodd efe i Israel:

41A chyda hwynt Heman, a Jedwthwn, a’r etholedigion eraill, y rhai a hysbysasid wrth eu henwau, i foliannu yr Arglwydd, 2 Cron 5:13; 7:3; Esra 3:11; Jer 33:11am fod ei drugaredd ef yn dragywydd:

42A chyda hwynt Heman, a Jedwthwn, yn lleisio ag utgyrn, ac â symbalau i’r cerddorion, ac offer cerdd Duw: a meibion Jedwthwn oedd wrth y porth.

43A’r holl bobl a aethant bob un i’w dŷ ei hun: a Dafydd a ddychwelodd i fendigo ei dŷ yntau.