Salm 43 - Beibl William Morgan - 1955 Edition with cross-references

SALM 431 Dafydd yn gweddïo am gael ei ddwyn drachefn i’r deml; ac yn addo gwasanaethu Duw yn llawen: 5 yn cynhyrfu ei enaid i ymddiried yn Nuw.

1Barn fi, O Dduw, a dadlau fy nadl yn erbyn y genhedlaeth anhrugarog: gwared fi rhag y dyn twyllodrus ac anghyfiawn.

2Canys ti yw Duw fy nerth: paham y’m bwri ymaith? Salm 42:9paham yr af yn alarus trwy orthrymder y gelyn?

3 Salm 40:11; 57:3 Anfon dy oleuni a’th wirionedd: tywysant hwy fi; ac arweiniant fi i fynydd dy sancteiddrwydd, ac i’th bebyll.

4Yna yr af at allor Duw, at Dduw hyfrydwch fy ngorfoledd; a mi a’th foliannaf ar y delyn, O Dduw, fy Nuw.

5 Salm 42:5, 11 Paham y’th ddarostyngir, fy enaid? a phaham y terfysgi ynof? gobeithia yn Nuw; canys eto y moliannaf ef, sef iachawdwriaeth fy wyneb, a’m Duw.