1Ke tlaa ema mo tebelong ya me, ke ipaya mo kagong e e godileng, mme ke tlaa lebela koo ntle, gore ke bone se o tlaa se buang le nna, le se ke tlaa se mo fetolang ka ga ngongorego ya me.
2Mme Jehofa a mphetola a re: “Kwala ponatshegelo e, o e dire gore e bonale sentle mo dimating tsa kwalelo, gore motho a tle a e bale a ntse a taboga.
3 Gonne ponatshegelo e sa ntse e na le lobaka lo lo laotsweng, mme e be e itlhaganelela bokhutlo, ga e ketla e aka; le fa e ko e diega, lo e lete; gonne ruri e tlaa tla, ga e ketla e diega.
4 Bonang, mowa wa gagwe o gogomogile, ga o a thokgama mo go ene; mme mosiami o tlaa tshela ka boikanyego jwa gagwe.”
Tshekiso le katlholo ya baikepi5Ee, gape bojalwa jwa mofine ke bonongwane, ke monna yo o ikgodisang, yo o sa nneng mo gae; yo o atlhamolosang keletso ya gagwe jaaka Bobipo, o ntse jaaka loso, ga a kake a kgorisiwa, mme o iphuthela merafe yotlhe, o ikokoanyetsa ditšhaba tsotlhe fela.
6A botlhe ba ga ba ketla ba mo tlhabeleletsa setshwantsho le seane sa mokgobo, ba re: “A bo go latlhega ene yo o totisang se se seng sa gagwe! Ka lobaka lo lo kaye? Le yo o ikimetsang ka dipeelo!”
7A ga go ketla go nanoga ka tshoganetso ba ba tlaa go lomang, le go kubuga ba ba tlaa go tshwenyang, mme o tlaa nna thopo mo go bone?
8Ka o thopile merafe e le mentsi, masalela otlhe a ditšhaba a tlaa go thopa; ka ntlha ya madi a batho, le ka ntlha ya thubako e e diretsweng lefatshe, e bong motse le botlhe ba ba agileng mo go one.
9A bo go latlhega ene yo o bonelang ntlo ya gagwe papadi e e bosula, gore a tle a tlhome setlhaga sa gagwe kwa godimo, gore a tle a gololwe mo seatleng sa bosula!
10O gakololetse ntlo ya gago ditlhong, ka go kgaola ditšhaba di le dintsi, o bile o leofetse mowa wa gago.
11Gonne lentswe le tlaa kua le le mo lorakong, le mosipuri o le mo dikgonnyeng o tlaa le araba.
12A bo go latlhega ene yo o agang motse ka madi a batho, a tlhoma motse ka boikepo!
13Bonang, a ga go tswe mo go Jehofa wa masomosomo fa e bo ne ne ditšhaba di bapalela molelo, le merafe e itapisetsa lefela?
14 Gonne lefatshe le tlaa tlala kitso ya kgalalelo ya ga Jehofa, jaaka metsi a khurumeditse lewatle.
15A bo go latlhega ene yo o nosang wa ga gabo, yo o oketsang ka sekgatlholo sa gago, le gone a mo tagisa gore o tle o lebe bosaikategang jwa bone!
16O tletse ditlhong mo boemong jwa kgalalelo. Le wena nwa, o bo o nne jaaka mongwe yo o sa rupang; senwelo sa seatla sa ga Jehofa se segolo se tlaa menolelwa mo go wena, ditlhong tse di maswe di tlaa nna mo kgalalelong ya gago.
17Gonne thubako e e diretsweng Lebanone e tlaa go khurumetsa, le go senngwa ga dibatana mo go di boifisitseng; ka ntlha ya madi a batho; le ka ntlha ya thubako e e diretsweng lefatshe, le motse le botlhe ba ba agileng mo go one.
18Setshwantsho se se setilweng se thusang, fa e bo ne ne modiri wa sone a se setile; le setshwantsho se se thetsweng, le moruti wa maaka, fa e bo ne ne modiri wa tiro ya gagwe a ikanya mo go sone, a dira medimo ya disetwa e e sa bueng?
19A bo go latlhega ene yo o rayang logong, a re: “Kubuga!” le lentswe le le semumu a, re: “Nanoga!” A leo le tlaa ruta? Bonang, le manegilwe gouta le selefera, mme ga go na mowa ope mo teng ga lone.
20Mme Jehofa ene, o mo tempeleng ya gagwe e e boitshepo; a lefatshe lotlhe le tuulale fa pele ga gagwe.
Who We AreWhat We EelieveWhat We Do
2025 by iamachristian.org,Inc All rights reserved.
