1Modimo ke botshabelo jwa rona
le thata,
thuso e e gaufi thata mo tlalelong.
2Ke gone ka mo re se ketlang re boifa
le fa lefatshe le ka fetoga,
le fa dithaba di tshikinyega
mo bogareng ga mawatle;
3le fa metsi a one a suma a
kgaphasela,
le fa dithaba di kutuma
ka go ikgogomosa ga one.
Sela.
4Noka e gone e dikelelo tsa yone
di itumedisang motse wa Modimo,
e bong felo ga boitshepo
jwa metlaagana ya Mogodimodimo.
5Modimo o mo gare ga one;
ga o ketla o tshikinngwa;
Modimo o tlaa o thusa
bo sa ntse bo anoga.
6Merafe e ne ya šakgala,
magosi a tsebeetsega;
wa ntsha lentswe la one,
lefatshe la tlhapologa.
7Jehofa wa masomosomo
o na le rona;
Modimo wa ga Jakobe
ke botshabelo jwa rona. Sela.
8Tlang, lo bone ditiro tsa ga Jehofa,
e bong ditšhwafatso
tse o di dirileng
mo lefatsheng.
9O khutlisa ditlhabano
le kwa bokhutlong jwa lefatshe;
o roba bora,
o putlaganya lerumo ka bogare;
o fisa dikara tsa tlhabano
mo molelong.
10“Nang fela,
mme lo itse fa ke le Modimo;
ke tlaa godisiwa mo merafeng;
ke tlaa godisiwa mo lefatsheng.”
11Jehofa wa masomosomo
o na le rona;
Modimo wa ga Jakobe
ke botshabelo jwa rona. Sela.
Who We AreWhat We EelieveWhat We Do
2025 by iamachristian.org,Inc All rights reserved.
