ISAIA 12 - SetswanaTswana 1908/1992（TSW08NO）

Sefela sa malebogo

1E tlaa re mo letsatsing leo o tlaa re:

“Ke tlaa go ntshetsa malebogo

Morena;

gonne le fa o kile wa nna bogale

le nna,

bogale jwa gago bo boile,

mme o ntse wa nkgomotsa.

2 “Bonang, Modimo ke poloka ya me,

ke tlaa ikanya fela,

ga nketla ke boifa; gonne

Jehofa Modimo ke thata ya me,

le sefela sa me,

mme o diregile poloka ya me.”

3Ke gone ka moo lo tlaa gang metsi

ka boitumelo mo didibeng

tsa poloka.

4Mme lo tlaa bua mo letsatsing leo,

lo re: “Ntshetsang Jehofa malebogo,

bitsang leina la gagwe,

kakanyang ditirotiro tsa gagwe

mo ditšhabeng, umakang, go re,

leina la gagwe le goletsegile.

5Opelelang Jehofa;

gonne o dirile dilo tse di gaisang;

mo, a go itsiwe mo lefatsheng lotlhe.

6Kuela godimo,

o goe, wena monni wa Sione;

gonne go mogolo moitshepi wa

Iseraele mo gare ga gago.”