1Jehofa, a ko o nkgolole
mo mothong yo o bosula;
ntibela mo mothong yo o thubakang.
2Ba ba tlhatlhanyang bosenyi
mo pelong tsa bone;
ba tlhola ba ntse
ba phuthegela ntwa ka gale.
3 Ba looditse loleme lwa bone
jaaka noga;
botlhoko jwa šaušawane
bo ka fa tlase ga dipounama
tsa bone. Sela.
4Jehofa, mpoloka mo diatleng tsa
baikepi; ntibela
mo mothong yo o thubakang;
ba ba ikaeletseng gore
ba tlaa faposa dikgato tsa me.
5Bapelompe ba ntshubetse mutlwane
le megala;
ba adile lotloa ka fa tseleng;
ba nthaetse ka diru. Sela.
6Ka raya Jehofa ka re:
“O Modimo wa me;”
sekegela lentswe
la mekokotlelo ya me tsebe, Jehofa.
7Modimo Morena,
thata ya poloko ya me,
o khurumeditse tlhogo ya me
mo letsatsing la tlhabano.
8Jehofa o se ka wa naya moikepi
dikeletso tsa gagwe;
o se ka wa tsweleletsa pele
maano a gagwe a bosula;
ba ka tla ba ikgodisa. Sela.
9Ka ga tlhogo
ya ba ba ntikanyetsang,
a bosenyi jwa dipounama tsa bone
bo ba bipe.
10A magala a a tukang
a wele mo go bone;
a ba latlhelwe mo molelong;
mo mekoleng e e boteng,
gore ba se ka ba tlhola ba tsoga.
11Motho yo o buang bosula
ga a ketla a tlhomamisiwa
mo lefatsheng;
bosula bo tlaa tsoma yo o thubakang
go mo ribegetsa.
12Ke a itse fa Jehofa a tlaa emela
kgang ya yo o patikwang,
le tshiamo ya motlhoki.
13Ruri mosiami o tlaa ntshetsa
leina la gago malebogo;
mothokgami o tlaa aga
fa pele ga gago.
Who We AreWhat We EelieveWhat We Do
2025 by iamachristian.org,Inc All rights reserved.
