PESALEMA 54 - SetswanaTswana 1908/1992（TSW08NO）

Thapelo ya go babalelwa mo babengMasekile wa ga Dafite; wa fale fa Basifa ba tla, ba raya Saule, ba re: A Dafite ga aa iphitlha mo go rona? Pina ya moopedi yo mogolo; mo diletsong tse di ditlhale.

1Mpoloka, Modimo,

ka leina la gago;

mme o nkatlhole

mo bonatleng jwa gago.

2Utlwa morapelo wa me Modimo;

sekegela mafoko a molomo wa me

tsebe.

3Gonne batho ba sele

ba ntsogologetse,

batho ba ba thubakang

ba tsomile mowa wa me;

ga ba a baya Modimo

fa pele ga bone. Sela.

4Bonang,

Modimo ke mothusi wa me;

Morena o na le ba ba tshegetsang

mowa wa me.

5O tlaa lefetsa bosula

mo babeng ba me; ba senye

mo boammaaruring jwa gago.

6Ke tlaa go isetsa setlhabelo

ka tshupelo e e ntshiwang

ka pelotshweu fela;

ke tlaa ntshetsa leina la gago

malebogo, Jehofa,

gonne le molemo.

7Gonne o nkgolotse

mo tlalelong yotlhe;

leitlho la me le bonye keletso ya me

mo babeng ba me.