PESALEMA 124 - SetswanaTswana 1908/1992（TSW08NO）

Pako ya kgololo mo babengSefela sa Ditlhatlogo, sa ga Dafite.

1Fa e ka bo e se Jehofa

yo o neng a le ntlheng ya rona,

a Iseraele a bue jaana a re:

2“Fa e ka bo e se Jehofa,

yo e rileng batho ba re tsogologela

a bo a le ntlheng ya rona;

3ba ka bo ba re komeditse

re sa ntse re utlwa,

jale ka kgakalo ya bone e re tuketse.

4Foo metsi a ka bo a re phikametse,

noka e ka bo e hupeditse

mowa wa rona.

5Foo metsi a a kokomogileng

a ka bo a hupeditse mowa wa rona.”

6A go bakwe Jehofa

yo o se kang a re tsenya

jaaka thopo mo menong a bone.

7Mowa wa rona o falotse

jaaka nonyane mo mutlwaneng

wa bathai;

mutlwane o kgaogile,

mme re falotse.

8Thuso ya rona e mo ineng la ga Jehofa,

yo o dirileng legodimo le lefatshe.