1Mo Juta Modimo o a itsiwe;
leina la one le legolo mo Iseraele.
2Le gone mo Saleme,
motlaagana wa one o teng,
le boago jwa one bo mo Sione.
3O ne wa robaka metswi ya bora
teng, thebe le tšhaka
le dibetsa tsa ntwa. Sela.
4O kgalalelo le tlotlomalo
bogolo go thopo e e lefika.
5Ba ba pelotona ba gapetswe
ba robetse boroko jwa bone;
mme ga go na bape ba banna ba ba
thata,
ba ba bonyeng diatla tsa bone.
6Ka kgalemo ya gago
Modimo wa ga Jakobe,
kara ya tlhabano e na le pitse
e digetswe boroko jwa kgonogo.
7Wena, e leng wena,
o na le go boifiwa;
mme mang yo o ka emang
mo ponong ya gago
mogang o galefang?
8O ne wa utlwatsa katlholo e e
tlisang tefetso e tswa legodimong
lefatshe la boifa,
la ba la didimala fela,
9ka Modimo o ema go atlhola,
gore o boloke bapelonomi
botlhe ba lefatshe. Sela.
10Ruri bogale jwa motho
bo tlaa go baka;
mme makunantshana a a setseng
a bogale
o tlaa a bofelela mo go wena.
11Lo ikane, lo bo lo lefele Jehofa,
Modimo wa lona;
a botlhe ba ba mo ntlheng tsotlhe
tsa gagwe ba tlisetse ene
yo o tshwanetseng go boifiwa dineo.
12O tlaa kgaola mowa wa dikgosana;
o a boitshega
mo dikgosing tsa lefatshe.
Who We AreWhat We EelieveWhat We Do
2025 by iamachristian.org,Inc All rights reserved.
