PESALEMA 70 - SetswanaTswana 1908/1992（TSW08NO）

Thapelo ya kgololoPesalema ya ga Dafite, ya go gopodisa. Ya moopedi yo mogolo.

1Akofa, Modimo, o nkgolole;

a ko o akofele go nthusa,

Jehofa.

2Ba ba tsomang mowa wa me

a ba tlhajwe ke ditlhong,

ba tseanngwe;

ba ba itumelang fa ke utlwa

botlhoko

a ba busediwe kwa morago

ba tlhokisiwe tlotlo.

3Bone ba ba reng: “Ahe! Ahe!”

A ba busediwe kwa morago

ka ntlha ya ditlhong tsa bone.

4Botlhe ba ba go batlang

a ba itumele,

ba ipele mo go wena;

a ba ba ratang poloka ya gago

ba nne ba bue ka gale, ba re:

“A Modimo o golediwe.”

5Mme nna ke humanegile,

ke a tlhoka;

a ko o nkakofele, Modimo;

wena o thuso ya me,

le mogolodi wa me;

Jehofa, o se ka wa diega gope.