1 E mang yo,
yo o tswang kwa Etome,
a le diaparo tse di bohibidu
jo bo mokgona,
a tswa kwa Bosera?
Yo o galalelang ka diaparo
tsa gagwe, a sepela
mo bogolong jwa thata ya gagwe?
“Ke nna yo ke buang mo
tshiamong, ke le mothata mo
go bolokeng.”
2Ke ka ntlha yang
fa e bo ne ne o le diaparo
tse di bohibidu,
o le diaparo tse di ntseng
jaaka tsa yo o gatang sedibeletso
sa bojalwa jwa mofine?
3 “Ke gatile sedibeletso sa
bojalwa jwa mofine
ke le nosi fela;
mme go ne go se na ope wa ditšhaba
le nna; ee,
ke ba gatile mo boraleng jwa me,
ke ba sobotlile mo tšarologong
ya me;
madi a bone a mahibidu
a gasegetse diaparo tsa me,
ke bile ke hubiditse diaparo tsa me
tsotlhe fela.
4Gonne letsatsi la pusoloso
le ne le le mo pelong ya me,
le ngwaga wa barekolodwi ba me
o fitlhile.
5 Mme ka leba, mme go ne go se na
ope yo o thusang;
mme ka gakgamala
ka go se na ope yo o tshegetsang;
ke gone ka mo letsogo la me ka nosi
la nteretse poloko,
le tšarologo ya me ya ntshegetsa.
6Ka gataka ditšhaba
ka bogale jwa me,
ka ba taga mo tšarologong ya me;
mme madi a mahibidu a bone
ka a tshololela fa fatshe.”
Bomolemo jwa ga Jehofa mo go Iseraele7Ke tlaa umaka mapelonomi a lorato
a ga Jehofa,
le dipako tsa ga Jehofa
ka fa dilong tsotlhe tse Jehofa
o di re neileng;
le molemo o mogolo wa gagwe
ka ga ntlo ya Iseraele,
o o o ba neileng
ka fa mautlwelong botlhoko a gagwe,
le ka fa bontsing jwa mapelonomi
a gagwe a lorato.
8Gonne a re:
“Ruri, ke batho ba me,
ke bana ba ba se ketlang
ba dira ka boferefere;”
jalo a nna mmoloki wa bone.
9Mo dipogisong tsotlhe tsa bone
le ene a bogisiwa,
moengele wa gagwe yo o emelang
ene, a ba boloka;
a ba rekolola ka lorato lwa gagwe,
le ka pelotlhomogi ya gagwe;
a ba belega,
a ba sikara ka malatsi otlhe
a bogologolo.
10Mme ba ne ba tsuolola
ba utlwisa mowa wa gagwe
o o boitshepo botlhoko;
ke gone o ne a fetoga
a nna mmaba wa bone,
ene ka esi a tlhabana nabo.
11Foo a gakologelwa
malatsi a bogologolo,
Moše, le batho ba gagwe, a re:
O kae yo o kileng a ba tlhatlosa
mo lewatleng a na le badisa
ba letsomane la gagwe?
O kae ene yo o ne a tsenya
mowa wa gagwe o o boitshepo
fa gare ga bone?
12 A tsamaisa letsogo la gagwe
le le galalelang ka fa ntlheng
ya letsogo le legolo la ga Moše?
A tsetsereganya metsi
fa pele ga bone,
go itirela leina le le sa khutleng?
13A ba goga, a ba ralatsa madiba a a
boteng jaaka pitse mo nageng fela,
ba tla ba se ka ba kgopiwa?
14Jaaka matlhape
a a fologelang mo mokgatšheng,
mowa wa ga Jehofa wa ba ikhutsisa;
o ne wa goga batho ba gago jalo
go itirela leina le le galalelang.
Thapelo ya kutlwelobotlhoko le thuso15Okomela o le mo legodimong, mme o bone o le mo bonnong jwa gago jo bo boitshepo, le jwa kgalalelo ya gago; tlhoafalo ya gago e kae, le ditiro tsa gago tsa nonofo? Go tlhologelelwa ga mala a gago go ikgogonne, le one mapelotlhomogi a gago ka ga me.
16Gonne o rraetsho, le fa Aberahame a sa re itse, le Iseraele a sa re dumele; wena Jehofa o rraetsho: Morekolodi go tswa bosenangtshimologo ke leina la gago.
17Ana Jehofa o a bo o re faposetsang ditsela tsa gago, dipelo tsa rona o di thatafaletsang poifo ya gago? Bowa ka ntlha ya batlhanka ba gago, ditso tsa boswa jwa gago.
18Batho ba gago ba ba boitshepo ba ne ba bo rua ka lobakanyana fela; baganetsi ba rona ba gatakile felo ga gago ga boitshepo.
19Re fetogile re ntse jaaka batho ba o e seng o ke o ba laole gope; jaaka ba ba neng ba sa bidiwa ka leina la gago.
Who We AreWhat We EelieveWhat We Do
2025 by iamachristian.org,Inc All rights reserved.
