PESALEMA 67 - SetswanaTswana 1908/1992（TSW08NO）

Pako ya go lebogela thoboPesalema. Sefela sa moopedi yo mogolo; mo diletsong tse di ditlhale.

1A Modimo o nne

boutlwelobotlhoko

mo go rona, o re segofatse,

o re phatsimisetse sefatlhogo sa one;

Sela,

2gore tsela ya gago

e itsiwe mo lefatsheng,

le phodiso ya gago e e bolokang

mo merafeng yotlhe.

3A ditšhaba di go bake Modimo,

a ditšhaba tsotlhe di go bake.

4A merafe e ke e ipele,

e opele ka boitumelo,

ka gobo o tlaa atlhola ditšhaba

ka tekatekanyo,

o ba o busa merafe mo lefatsheng.

Sela.

5A ditšhaba di go bake, Modimo;

a ditšhaba tsotlhe di go bake.

6Lefatshe le ntshitse totafalo ya lone;

Modimo, e bong Modimo wa rona

tota, o tlaa re segofatsa.

7Modimo o tlaa re segofatsa;

mme dikhutlo tsotlhe tsa lefatshe

di tlaa o boifa.