1 Jehofa o a busa;
a ditšhaba di rorome;
o ntse mo ditšherubeng;
a lefatshe le tshikinyege.
2Jehofa o mogolo mo Sione;
mme o kwa godimo,
godimo ga ditšhaba tsotlhe.
3A ba bake leina la gago le legolo,
le le boitshegang;
go boitshepo ene.
4Nonofo ya kgosi le yone
e rata katlholo;
o tle o tlhomamise tekatekanyo,
o dirafatse katlholo le tshiamo
mo go Jakobe.
5Lona, goletsang Jehofa, Modimo
wa rona, lo obame fa sebeong
sa dinao tsa gagwe;
go boitshepo ene.
6Moše le Arone mo baperesiting
ba gagwe, le Samuele
mo go ba ba bitsang leina la gagwe;
bone ba ba neng ba bitsa Jehofa,
mme a ba araba.
7 A bua nabo
a le mo mosepuring wa leru;
ba ne ba boloka ditshupo tsa gagwe,
le molao o o emeng,
o o o ba neileng.
8O ne wa ba araba
Jehofa, Modimo wa rona:
O ne o le Modimo
o o ba itshwarelang,
le fa o tsaya tefetso
mo madirong a bone.
9Goletsang Jehofa,
Modimo wa rona,
mme lo obame kwa thabaneng
ya gagwe e e boitshepo;
gonne Jehofa Modimo wa rona
o boitshepo.
Who We AreWhat We EelieveWhat We Do
2025 by iamachristian.org,Inc All rights reserved.
