1Bakang Jehofa.
Go sego monna yo o boifang
Jehofa, yo o kgatlhegang thata
mo ditaolong tsa gagwe.
2Losika lwa gagwe lo tlaa
natlafala thata mo lefatsheng;
bana ba mothokgami
ba tlaa segofala.
3Khumo e mo ntlong ya gagwe,
le letlotlo; le tshiamo ya gagwe
e eme ka bosakhutleng.
4Mothokgami o tlhagelwa ke lesedi
mo lefifing; o pelotshweu,
o tletse pelotlhomogi, o siame.
5Go tle go atlegele motho yo o
direlang batho ka bopelotshweu
a ntshe a adime fela;
o tlaa emela mafoko a gagwe sentle
fa go le tsheko.
6Gonne ga a ketla a tshikinngwa
gope; mosiami o tlaa nna a gopolwa
ka bosenabokhutlo.
7Ga a ketla a tshosiwa
ke mafoko a a bosula;
pelo ya gagwe e nitame,
e ikantse Jehofa.
8Pelo ya gagwe e tlhomame,
ga a ketla a boifa, go tle go tsamaye
a bone keletso ya gagwe
mo babeng ba gagwe.
9 O gasitse, o file batlhoki;
tshiamo ya gagwe e eme ka
bosakhutleng: lonaka lwa gagwe
lo tlaa golediwa ka tlotlo.
10Moikepi o tlaa go bona,
mme a hutsafale
o tlaa huranya meno,
mme a tlhapologele koo;
keletso ya moikepi e tlaa nyelela.
Who We AreWhat We EelieveWhat We Do
2025 by iamachristian.org,Inc All rights reserved.
