1 Jehofa o raya morena wa me
a re: “Dula ka fa letsogong
la me le legolo
go tsamaye ke dire baba ba gago
sebeo sa gago sa dinao.”
2Jehofa o tlaa otlolola lore
lwa thata ya gago go tswa Sione;
wena o buse
mo gare ga baba ba gago.
3Batho ba gago ba italetsa
ka pelo e e thamileng
mo letsatsing la thata ya gago;
o re o le mo mekgabong ya
boitshepo, o a bo o na le monyo,
wa bokau jwa gago
o tswa sebopelong sa moso.
4 Jehofa o ikanne,
mme ga a ketla a ikwatlhaya, a re:
“O moperesiti ka bosakhutleng
ka fa mokgweng wa ga
Melekiseteke.”
5Morena, a le ka fa letsogong la gago
le legolo, o tlaa phololetsa dikgosi
mo letsatsing la kgalefo ya gagwe.
6O tlaa atlhola mo merafeng,
o tlaa tlatsa mafelo
ka ditoto tsa baswi;
o tlaa phololetsa yo e leng tlhogo
mo mafatsheng a le mantsi.
7O tlaa nwa mo nokaneng
e e mo tseleng; mme ka mo
a itse go tsholetsa tlhogo.
Who We AreWhat We EelieveWhat We Do
2025 by iamachristian.org,Inc All rights reserved.
