PESALEMA 125 - SetswanaTswana 1908/1992（TSW08NO）

Tlamelo ya Modimo mo bathong ba oneSefela sa Ditlhatlogo.

1Bone ba ba ikantseng Jehofa,

ba ntse jaaka thaba ya Sione

e e sa ka keng ya tshikinngwa,

mme e nnetse ruri ka bosakhutleng.

2Jaaka dithaba di dikanyeditse

Jerusalema,

Jehofa o dikanyeditse batho

ba gagwe jalo go tloga fano

gompieno go ya bosakhutleng.

3Gonne thobane ya bogosi

ya boikepo ga e ketla e nna

mo kabelong ya basiami;

gore basiami ba se ka ba otlololela

diatla tsa bone kwa boikepong.

4Jehofa, ba ba molemo,

a o ko o ba direle molemo,

le ba ba dipelo di thokgameng.

5Ka ga ba ba fapogelang

kwa mekgweng ya bone

e e kgopameng,

Jehofa o tlaa ba gogela koo

le badiri ba boikepo.

Kagiso a e nne le Iseraele.