PESALEMA 24 - SetswanaTswana 1908/1992（TSW08NO）

Kgosi ya kgalaleloPesalema ya ga Dafite.

1 Lefatshe ke la ga Jehofa,

le botlalo jwa lone;

lefatshe le ba ba agileng mo go lone.

2Ka gobo o le theile mo mawatleng,

o le tlhomamisitse mo merwaleleng.

3E mang yo o tlaa tlhatlogelang

mo thabaneng ya ga Jehofa?

Mme mang yo o tlaa emang

mo felong ga gagwe ga boitshepo?

4 Ke yo o diatla dintle

le pelo e e itshekileng;

yo o se kang a tsholeletsa mowa

wa gagwe kwa boithamakong,

mme a sa ikana ka go tsietsa.

5Ene o tlaa amogela letlhogonolo

mo go Jehofa, le tshiamo

mo Modimong wa poloko ya gagwe.

6Lo, ke lone losika

lwa ba ba o senkang,

ba ba senkang sefatlhogo sa gago,

Modimo wa ga Jakobe. Sela.

7Tsholetsang ditlhogo, lona dikgoro;

tsholetsegang lona mejako

e e sa leng e nna go tswa tsose;

mme Kgosi ya kgalalelo e tlaa tsena.

8Kgosi ya kgalalelo e mang?

Ke Jehofa yo o thata, yo o bonatla,

Jehofa yo o bonatla mo ntweng.

9Tsholetsang ditlhogo, lona dikgoro;

ee, lo di tsholetse, lona mejako

e e ntseng ka bosakhutleng;

mme Kgosi ya kgalalelo e tlaa tsena.

10Kgosi eo ya kgalalelo ke mang?

Jehofa wa masomosomo,

ke ene Kgosi ya kgalalelo. Sela.