1Nkatlhola, Jehofa,
gonne ke ntse ke tsamaya
mo go tlhokeng molato ga me;
ke bile ke ikantse Jehofa,
ke sa kabakanye.
2Nkeleka, Jehofa o mphukutse;
leka diphilo tsa me, le pelo ya me.
3Gonne bopelonomi jwa gago jwa
lorato bo fa pele ga matlho a me;
mme ke ntse ke tsamaya
mo boammaaruring jwa gago.
4Ke ntse ke sa dule
le batho ba boithamako;
le gone ga nketla ke tsenatsena
le baitimokanyi.
5Ke ila phuthego ya badira dibe,
ke gana go dula le baikepi.
6Ke tlaa tlhapa diatla tsa me
mo bophepeng fela;
jalo ke tlaa dikanyeletsa sebeso
sa gago, Jehofa.
7Gore ke tle ke utlwatse
lentswe la tebogo,
ke be ke bolele ka ga ditiro tsotlhe
tsa gago tse di gakgamatsang.
8Jehofa, ke rata boago jwa ntlo ya
gago le felo fa kgalalelo ya gago,
e agileng gone.
9O se ka wa gogobela mowa wa me
le baleofi, le fa e le botshelo jwa me
le batsholodi ba madi;
10ba bosenyi bo mo diatleng tsa bone,
le ba seatla sa bone se segolo
se tletseng dituelo tsa phaposo.
11Ka ga me ke tlaa nna ke tsamaya
mo go tlhokeng molato ga me;
nthekolola, mme o nne
kutlwelobotlhoko mo go nna.
12Lonao lwa me lo eme
fa go papannweng;
ke tlaa baka Jehofa
mo diphuthegong.
Who We AreWhat We EelieveWhat We Do
2025 by iamachristian.org,Inc All rights reserved.
