PESALEMA 20 - SetswanaTswana 1908/1992（TSW08NO）

Thapelo ya go bona phenyoPesalema ya ga Dafite. Ya moopedi yo mogolo.

1A Jehofa a go arabe

mo letsatsing la khuduego;

a leina la Modimo wa ga Jakobe

le go beye kwa godimo;

2a a go isetse thuso

e e tswang felong ga boitshepo,

a be a go kokotletse a le mo Sione;

3a a gakologelwe ditshupelo tsotlhe

tsa gago, a be a amogele

setlhabelo sa gago sa phiso. Sela.

4A a go neye keletso ya pelo ya gago,

mme a dirafatse kgakololo

yotlhe ya gago.

5Re tlaa jela poloka ya gago koma,

re tlaa fokisa mekgele ya rona

mo ineng la Modimo wa rona;

a Jehofa a dirafatse ditopo tsotlhe

tsa gago.

6Jaanong ke a itse fa Jehofa

a boloka motlodiwa wa gagwe;

o tlaa mo fetola

a le kwa legodimong la gagwe

le le boitshepo,

ka thata e e bolokang

ya letsogo la gagwe le legolo.

7Bangwe ba ikanya dikara

tsa tlhabano,

ba bangwe dipitse fela;

mme rona re tlaa nna re umaka

leina la ga Jehofa,

Modimo wa rona.

8Bone ba obame ba ole;

mme rona re tsogile,

re eme re thokgame.

9Jehofa, boloka:

a Kgosi e re arabe

mogang re bitsang.