1A ko lo opeleleng Jehofa
sefela se seša; gonne
o dirile dilo tse di gakgamatsang;
seatla sa gagwe se segolo
se mo diretse poloka
le lone letsogo la gagwe
le le boitshepo.
2Jehofa o itsisitse batho
poloka ya gagwe;
tshiamo ya gagwe o e bonaditse
ka tshenolo mo matlhong a merafe.
3O gakologetswe boutlwelobotlhoko
jwa gagwe,
le boikanngo jwa gagwe
ka ga ntlo ya Iseraele;
dikhutlo tsotlhe tsa lefatshe
di bonye poloka ya Modimo
wa rona.
4Tshelela Jehofa lešoa la boitumelo,
wena lefatshe lotlhe;
ponyegang lo opele ka boitumelo;
ee, opelang dipako.
5Opelelang Jehofa dipako ka harepe;
ka harepe le ka lentswe la kopelo.
6Ka dinaka le ka modumo
wa diphala,
lo tsheleng lešoa la boitumelo
fa pele ga Kgosi Jehofa.
7A lewatle le sume,
le bojotlhe jwa lone;
lefatshe le ba ba agileng mo go lone;
8a merwalela e opaope diatla
tsa yone;
a dithabana di opele mmogo
ka boitumelo;
9fa pele ga Jehofa
gonne o tla go atlhola lefatshe;
o tlaa atlhola lobopo ka tshiamo
le ditšhaba ka tekatekanyo.
Who We AreWhat We EelieveWhat We Do
2025 by iamachristian.org,Inc All rights reserved.
